KUPANG, (ANTIL) - Servisu Konsuladu Timor-Leste iha Kupang, Timor Ocidental hetan
difikuldade atu bele atende estudante Timor-oan sira ne’ebé hala’o estudu
iha rai nebé refere.
Kônsul
Timor-Leste iha Kupang, Eligio Rosario Sousa ba ANTIL Kinta-feira
(8/9) informa, iha estudante balun ne’ebé to’o agora seidauk kumpri lei
imigrasaun Indonézia nian.
“Ida
ne’e, difikulta tebes konsuladu nia servisu para bele halo kooperasaun ho
imigrasaun Kupang hodi bele ajuda sira ne’ebé iha problema ho dokumentu
para fila bá Timór hodi trata dokumentu foun atu nuné bele fila hikas mai
kontinau estudu iha Kupang”, Eligio Rosario hato’o.
Maibe
Eligio Rosario hatutan katak, ba problema ne’e, konsuladu Timor-Leste servisu
hamutuk ona ho ekipa sira iha Ministériu Edukasaun hodi tun diretamente ba
universidade hodi halo sosializasaun kona-ba lei imigrasaun nebé aplika ba
sidadaun estranjeiru ne’ebé hela iha Indonesia.
“Iha
mós regra balun ne’ebé ministériu edukasaun hatuur katak estudante ne’ebé la
kumpri lei sei difikulta sira para hetan legalizasaun ba diploma”, Eligio
hatete.
Nia
informa, númeru estudante ne’ebé alista iha Konsuladu Kupang iha 2016 hamutuk
130. (Jornalista
: Maria Auxiliadora/Alberto Alves: Editor).
Foto:
Kônsul Timor-Leste iha Kupang, Eligio Rosario Sousa
Sem comentários:
Enviar um comentário