PN Kria Lei Hamos Pensaun Vitalisia, Dom Basilio sei Basa liman

Quelicai - Ejijensia Publiku neebe husu Parlamentu Nasional atu hamos total lei pensaun vitalisia ba eis membru Orgaun Soberanu, kuandu Parlamentu konsege kria lei foun hodi hamos total, Bispu Deoseze Baucau Dom Basilio do Nasimento sei basa liman ba deputadu sira.

Tuir Prezidente espiskopal Timor Leste atual Bispu Deoseze Baucau Dom Basilio do Nacimento katak, pensaun vitalisia moris tiha ona, lahatene rajaun governu ou estadu foti desizaun hamoris pensaun vitalisia iha Timor Leste.

Uluk Parlamentu mak halo lei hamosu pensaun vitalisia agora sira konsege kria lei ida hodi halakon situasaun ida nee, hau basa liman ba sira,” Dehan Dom basilio ba STL Domingu (11/09/2016) iha Kapela Sagrada Kurasaun De Jesus Abo Lir.

Nia hatete pensaun vitalisia aloka osan husi estadu ba ema sira neebe mak sei bele halo servisu, tan nee Parlamentu no Prezidente atu hamos total ou redus nee diak, tamba rona realidade nasaun nian tamba hahalok neebe halo lajustu.

Iha fatin ketak Prezidente Komisaun Eventual ba Debate lei pensaun Vitalisia Izilda Soares hatete bankada mak involve iha komisaun eventual hodi halo servisu debate lei pensaun vitalisia, nunee sei rona ema hotu nia hanoin hodi muda buat ruma. Informasaun kompletu iha STL Jornal no STL Web, edisaun Kuarta (14/9/2016). Timotio Gusmao

Suara Timor Lorosae