PN Konkorda Redus LPV, Laos Atu Halakon

DILI - Reprezentante povu iha Uma Fuku Parlamentu Nasioal konkorda redus lei pensaun vitalisia, maibe laos atu halakon, tanba lei nee iha nasaun sira seluk mos implementa, laos Timor Leste deit.

Vise bankada Fretilin Francisco Miranda Branco hateten, Lei pensaun vitalisia laos Timor Leste deit, lei nee iha mundu tomak iha, laos deputadu maka inventa fali lei nee, neebe konkorda tenke iha duni alterasaun, maibe laos atu halakon.

Lei pensaun vitalisia laos Timor Leste deit, lei nee iha mundu tomak iha hotu, laos ita maka inventa fali lei pensaun vitalisia, neebe ita konkorda tenke iha duni alterasaun, mais laos atu halakon,” dehan deputadu Francisco ba STL, iha PN, Dili, Sesta (16/09/2016).

Nia dehan, lei pensaun vitalisia presiza redus tuir kondisaun no situasaun agora, para iha futuru mai politika sira hetan kargu politiku hanesan Prezidente Republika, Governu no Parlamentar sira mos tenke deskobre sira nia osan fulan fulan ikus mai para bele hetan reforma pensaun ida nee.

Iha fatin hanesan membru PN husi bankada CNRT Arao Noe hateten, uluk deputadu barak tama mai iha PN koalia ona, tama ona iha laran nee oin seluk, balu uluk iha plenaria nee koalia oin seluk, kuandu ba fali iha orgaun seluk hahalok kontra fali sira nia lia fuan, nee maka realidade moris.

Entretantu Xefi bankada Fretin Mudanca Jose Luis Guterres laseita halakon pensaun vitalisia ba eis titularis sira, tanba ida nee direitu internasional, neebe asina ona iha organizasaun Internasional de travallu. Informasaun kompletu iha STL Jornal no STL Web, edisaun Sabado (17/9/2016). Carme Ximenes

Suara Timor Lorosae