PN Husu STAE Halo Resensiamentu Tenke Too Suku

DILI - Reprezentante povu iha uma fukun Parlamentu Nasional (PN) husu ba Sekretariadu Tekniku Administrasaun Eleitoral (STAE) halo resensiamentu eleitoral tenke too iha suku, labele iha deit Munisipiu.

Tuir Deputadu Bankada CNRT, Agostinho Lay hatete, partisipasaun povu iha eleisaun jeral 2017 no eleisaun suku 2016, nee importante tebes hodi hili nia lideransa.

Ita nia Governu liliu Ministeriu Administrasaun Estatal (MAE) liu husi dirasaun STAE presiza halo resensiamentu eleitoral tenke too iha suku ka rural labele iha deit munisipiu tanba povu barak hela iha suku,” dehan Agostinho ba STL iha PN-Dili, Sesta (16/09/2016).

Deputadu nee haktuir, tanba nee ho mudansa eleisaun autoridade komunitariu neebe mak sei muda ba iha loron 29 Outobru, bele fo spasu ba STAE sira bele halo resensiamentu eleitoral iha iha area remota sira tanba eleitores kada tinan sempre aumenta.

Iha sorin seluk, Xefe Suku Uaibobo, Antonio Freitas Soares hatete, hanesan Xefe Suku Uibobo durante nee husu ona ba STAE atu halo resensiamentu eleitoral ba komunidade suku Uaibobo maibee too agora sira seidauk mai. Informasaun kompletu iha STL Jornal no STL Web, edisaun Sabado (17/9/2016). Raimundo S. Fraga

Suara Timor Lorosae