DILI
- Too agora Advogadu Privadu arguida Emilia Pires seidauk simu informasaun foun
husi nia kliente, tanba nee nia sei kontinua ho prosesu rekerementu relatoriu
medicu arguida nian neebe seidauk konsege legaliza iha tribunal.
Tuir
Advogadu Provadu Jose Pedro Camoes neebe fo defesa ba arguida Emilia Pires
hatete, ate agora nia sei kontinua hela ho rekerementu arguida nian kona ba
tratamentu iha Portugal. Ho tratamentu neebe iha mak halo arguida labele fila
mai Timor hodi tuir julgamentu. Neemak tribunal husu atu legaliza relatoriu
medicu, parte defesa hatama ona ba iha notariadu. Maibe tanba liu husi internet
deit, notariadu lakohi simu no sira hakarak simu original deit. Neemak nia husu
ba arguida atu haruka liu husi embaixada deit.
Nia
hatutan, bainhira too ona iha embaixada mak foin bele legaliza ona iha
tribunal. Maske arguida la mai, maibe tribunal bele kontinua ho julgamentu hodi
halao leitura akordaun. Iha akordaun neemak dehan absolve ka kondenasaun mak
depois manda aktu desizaun nee liu husi embaixada ba iha nia. Depois nia haree
tiha mak nia hakarak halo rekursu ou hakarak mantein.
Iha
biban nee nia mos hatete, kona ba krime ema ida-idak tenke responsabliza ba nia
sala, tanba lei mak hatete hanesan nee. Hanesan ministeriu publiku, tribunal no
defensor halao deit sira nia fungsaun.
Antes
nee tribunal fo prazu ba arguida Emilia atu legaliza relatoriu medicu iha loron
(11/11), maibe arguida la kumpri. Tanba nee tribunal adia fali audensia nee ba
iha loron (17/11) atu foti desizaun ba arguida nia hahalok, maibe tanba la
prense kolektivu tribunal adia fali ba loron (25/11) Sesta agora. Informasaun
kompletu iha STL Jornal no STL Web, edisaun Kinta (24/11/2016). Domingas
Gomes
Suara
Timor Lorosae
Foto: José Pedro Camões, iha Ola Timor ho banati TA
Sem comentários:
Enviar um comentário