Labele Hatama Lei Rai Iha Gaveta

DILI – Reprezentante Povu Iha Uma Fukun Parlamentu Nasional, bankada Partidu Demokratiku husu, ba meja Parlamentu Nasional, atu labele hatama lei rai neebe maka aprova ona iha parte jeneralidade labele hatama hela iha gaveta.

Deputadu bankada PD, Adriano do Nascimento espera lei neebe Parlamentu Nasional aprova tiha ona iha parte jeneralidade labele hatama iha gaveta rai deit hanesan nee.

Ami komisaun A debate ona lei rai to artigu onze, maibe ami para tiha, nunee mos lei ida seluk lei anti korupsaun nee lahatene to tiha tinan hira ona tau tiha gaveta PN nian,” dehan deputadu Adriano.

Nia dehan, lei tolu nee ba importante, nunee mos lei ida tan neebe seidauk hola inisiativa lei anti subornu.Maibe halo komparasaun lei rai, lei pensaun vitalisia, lei anti korupsaun no lei sira seluk lais liu fali.

Iha fatin hanesan membru PN husi bankada CNRT Arao Noe hateten, lei rai importante, maibe agora nee deputadu sira sei halo diskusaun ba Orsamentu Jeral Estadu tinan 2017, tanba nee aktividade hotu hotu iha PN nee paradu konsentra hotu ba OJE, dehan deputadu Arao. Informasaun kompletu iha STL Jornal no STL Web, edisaun Kuarta (23/11/2016). Carme Ximenes

Suara Timor Lorosae