MNEK REJISTATIMOR OAN 50.000 IHA ESTRANJEIRUS

Ministériu Negosius Estranjeirus no Kooperasaun (MNEK), to’o agora dadauk ne’e rejista ona Timor oan  mais ou menus 50.000, maka iha estranjeirus.

“Ha’u labele hatete los Timor oan hira mak iha estranjeiru agora,  dadus   ne’ebé mak ami iha  privizoriu  mais ou menus 50.000,”esplika Ministru Negosius Estranjeirus no Kooperasaun (MNEK), Hernani Coelho, ba   jornalista iha Palasiu Governu, Tersa (08/11).

Hernani Coelho hatutan,  Timor oan  ne’ebé mak barak  liu  mak iha Australia  porvolta de 30.000.   Depois  sira  ne’ebé mak iha Inglatera  ho Irlanda  ne’e mós numeru bo’ot, tuir mai Timor oan sira  ne’ebé mak estuda  iha Indonesia.      Numeru  ne’ebé mak bo’ot iha Portugal  kuaze  4000 hanesan ne’e depois Korea mais ou menus 2000.

Timor oan sira  iha nasaun seluk  ne’e oituan,  hanesan nasaun Brazil menus de 200 mai iha Thailandia porvolta 50 ka 60 pesoas, depois Filipina  30 pesoas.

“Servisu  ne’ebé mak  ita halo ne’e iha buat tolu primeiru resjistu konsular. Rejistu konsular  ne’e Timor oan  ne’ebé deit mak iha rai liur presiza tau naran iha iha consular se lae la hetan  protesaun asensu konsular nia  iha direitu. Depois rejistu konsular, depois  iha rejistu kona-ba aktualijasaun de dadus ba sira  ne’ebé mak kartaun eleitoral  iha tiha ona Billeti Iidentidade ka (BI), entaun ita presiza halo atualijasaun de dadus. Terseru mak resensiamentu eleitoral,    ikus liu mak eleisaun. Ne’ebé agora dadauk iha prosesu atualijasaun de  dadus no resensiamentu eleitoral  ne’ebé hanoin serbisu  sei halao.   Primeiru sei halao iha Portugal   no Australia  depois mak ba Irlanda no Korea,”hatete Hernani Coelho. avi

Jornal Nacional