Dili,
(ANTIL) – Timoroan hotu-hotu, liu-liu ba joven feto sira ne’ebé kontribui
ho dedikasaun no empeñu tomak ba páz no estabilidade iha rai laran, bele
permite ba dezenvolvimentu sosiu ekonómiku iha rai laran ne’ebé avansa ho ritmu
ne’ebé di’ak.
“Páz
no estabilidade ne’ebé permite ba dezenvolvimentu sosiu ekonómiku, avansa ho
ritmu ne’ebé di’ak, permite individu no familia ida-idak hodi hadia ninia moris
no nasaun tomak, hetan mós rekoñesimentu hosi komunidade internasionál”
Primeiru Ministru (PM) Rui Maria de Araujo informa liu hosi aprezentasaun
Orsamentu Jerál Estadu (OJE) 2017 iha Parlamentu Nasional, Kuarta, (23/11).
Tuir
PM, feto tomak halo konkista foun ne’ebé hatudu liu hosi rezultadu eleisaun
suku ho númeru feto ne’ebé mak aumenta iha lideransan komunitáriu. Husi númeru
ne’e, bele kompleta no reforsa liu tan feto nia papél iha kargu públiku.
Governu
komprometidu atu servisu makas hodi implementasaun programa no projetu
sira iha OJE 2017, bele kontribui makas liu-tan, atu hamenus diskriminasaun ba
feto no aumenta sira-nia partisipasaun iha kargu públiku.
PM
reafirma, VI Governu konstitusional konsiente kona-ba dezafiu ne’ebé povu,
nasaun ho estadu ida ne’e enfrenta no fiar metin katak polítika, programa no
projetu sira ne’ebé kontempla iha OJE, sei lori ita hodi ultrapassa dezafiu
hirak ne’e. (Jornalista : Zezito Silva/Editor: Otelio Ote)
Foto:
PM Dr. Rui Maria de Araújo/ Foto GPM
Sem comentários:
Enviar um comentário