Númeru
asidente sira iha estrada Timor-Leste nian aas tebes, iha de'it fulan rua ikus
ne'e halo ona ema na'in 17 mate, presiza medida urjente sira hodi hametin
seguransa iha estrada inklui aumenta formasaun, sinalizasaun no asaun polísia
nian, defende hosi organizasaun timoroan ida.
Alerta
ne'e fó hosi Fundasaun Mahein, ne'ebé subliña katak iha de'it semana entre 12
to'o 19 Setembru liubá rejista ona asidente hamutuk 40 ne'ebé halo ema na'in
lima mate no na'in 23 kanek, refere hosi organizasaun hodi hatete katak númeru
sira ne'e inklui de'it asidente sira ne'ebé hato'o ba polísia.
Tinan-tinan
besik ema na'in 220 maka mate iha asidente sira tránzitu nian iha Timor-Leste,
númeru ne'ebé bainhira hanoin ho númeru populasaun no númeru hosi kondutór sira
iha nasaun nian hanesan "boot tebes duké númeru hosi Kanadá, Austrália ka
Reinu Unidu", haktuir hosi FM.
Organizasaun
rekomenda atu Governu haree fali métodu no kritériu sira ba formasaun kondutór
sira nian, harii kursu ida ne'ebé kondutór sira hotu tenki konklui hodi hetan
karta, no atu ajénsia sira ne'ebé halo parte iha seguransa estrada nian bele
halo asaun sira formasaun nian.
Fundasau
defende mós atu aumenta sinalizasaun rodoviáriu sira no husu atu líder sira
Governu nian fó sai "abuzu poder nian no kultura impunidade nian kona-ba
hahalok iha estrada ba ofisial públiku sira".
Organizasaun
fó hanoin katak mosu beibeik alerta ba problema ne'e, inklui ho publikasaun iha
tinan 2014 kona-ba relatóriu detalladu kona-ba perigu sira iha estrada timoroan
sira nian, maibé hahú tempu ne'ebá "ladún halo buat barak hodi hadi'a
seguransa tránzitu nian".
Iha
nafatin "falla maka'as iha edukasaun kona-ba seguransa rodoviáriu nian no
iha aplikasaun ba lei tráfegu nian", problema sira ne'ebé hatudu momoos
iha karta kondusaun nian ne'ebé iha Timor-Leste bele hetan "ho motorista
sira ne'ebé kumpri de'it perkursu ida hosi obstákulu sira no lori de'it kareta
iha minutu balun iha estrada".
Organizasaun
refere katak iha Díli grupu hosi ema sira ne'ebé halo teste sira iha tempu
hanesan barak tebes hodi kondutór balun tenki viola regra sira tránzitu nian,
hanesan la hein semáforu, hodi mantén integradu iha grupu ezame nian.
"Ho
grupu ezame ne'ebé boot oinsá Governu haree di'ak sala sira hosi kondutór
ida-idak nian", FM kestiona no defende ezijénsia ba formasaun hosi kondutór
sira hotu antes sira hetan ezame.
"Urjente
tebes atu aumenta nível hosi kualifikasaun sira presiza hetan lisensa ida hodi
bele hamenus númeru hosi kondutór perigozu sira iha estrada sira. Iha okaziaun
barak, motorista sira la hatene lei sira Timor-Leste nian kona-ba hahalok
adekuadu sira kondusaun nian no perigu hosi komportamentu sira risku nian
(hemu, aselera, lori karreta ho kolen, la liga lei sira tránzitu nian) ba sira
nia aan rasik no ba ema seluk", refere hosi FM.
Henriques
da Costa, inspetór-xefe Polísia Nasional Timor-Leste (PNTL) nian subliña katak
autoridade sira sei hahú programa sosializasaun ida hodi eduka kondutór sira
kona-ba risku sira bainhira lori karreta bainhira lanu ka kolen.
FM,
ne'ebé felisita inisiativa ne'e, defende aumenta rekursu sira ba material
didátiku no kartás sira informasaun nian no husu aumenta formasaun iha área
tránzitu hodi nune'e polísia bele tulun hametin seguransa iha estrada.
FM
refere mós katak hanesan urjente hadi'a sinal rodoviáriu sira iha aspetu sira
hanesan limiti velosidade sira nain, taka temporáriu estrada sira ka perigu
espesial sira.
Iha
tempu hanesan tenki hakotu ho "kultura impunidade kona-ba lei sira
tránzitu nian ba funsionáriu públiku sira no sira nia família sira" tanba
"sira ne'ebé iha osan ka poder sei la ta'uk ho konsekuénsia legal
sira".
SAPO
TL ho Lusa - Foto@António Casais
Sem comentários:
Enviar um comentário