DILI
- Relasiona ho atividade partidu politiku nian neebe mak durante nee halao iha
tereinu nunka iha kontrola husi Komisaun Nassional (CNE), ikus mai parpol balun
trata malu, hatun malu, no militante balun estraga atributu partidu nian, tanba
nee akademika deskonfia ema seluk kontrola CNE.
Tuir
Observador Politika, Camilia Ximenes Almeida hatete, partidu politiku parte Ida
atu dezenvolve rai nee, maibe partidu politiku balun lakoalia sira nia programa
maibe koalia hanesan kontra konstituisaun.
Ida
nee partidu Ida neebe mak halo dezestabilidade, liu-liu lakumpri ona
konstituisaun republika. CNE iha nee atu halo saida atu kontrola, maibe
realidade laiha, parese ninia xave nee ema seluk mak kaer, ketak xave tiha bee
nee lamosu mai,” nia afirma.
Nia
esplika, tuir lolos CNE tenke fo atensaun ba partidu katak hodi koalia sira nia
programa no planu para oinsa karik manan sai PM (Primeiru Ministru) laos
halakon saida mak konstituisaun.
Iha
sorin seluk, Diretor FONGTIL, Arsenio Perreira dehan, problema kiik sira neebe
mak ita nia poartidu politiku sira balun halo hanesan insulta malu, hatun malu
no tratamalu inklui estraga simbolu partidu Ida nee menus edukasaun sivika.
Nunee
mos, Prezidente CNE, Alcino Barris dehan, Komisaun Nasional Eleisaun (CNE)
lahalo kontrola ba atividade partidu politiku, tanba lei lafo dalan.
Informasaun kompletu iha STL Jornal no STL Web, edisaun Sabado (3/12/2016). Raimundo
S. Fraga
Suara Timor Lorosae
Sem comentários:
Enviar um comentário