Dili,
(ANTIL) – Fundasaun Alola halo kolokiu durante loron tolu, reflesaun
durante loron tolu, hahú 1 to’o 3 Dezenbru 2016 hodi haforsa feto nia papél iha
lideransa xefe suku eleitu no la eleitu, atu sira fahe esperiénsia. Nune’e, bá
futuru bele servisu hamutuk ba dezenvolvimentu suku.
“Wainhira
eleisaun hotu, Alola sei akompaña nafatin sira atu motiva no fó korazen liuhosi
kapasitasaun, atu sira bele dezenvolve suku no atende komunidade nia
nesesidade,” Jerente Programa Advokasia Fundasaun Alola, Maria Evelina ba ANTIL iha
Dili, Sesta (2/12).
Partisipante
kolokiu hamutuk na’in 60 resin, maihusi munisípiu sira inklui Rejiaun Autónomu
Espesiál Oe-Cusse no Ambeno (RAEOA). Sira-ne’e kompostu hosi membru konsellu
suku hanesan xefe suku eleitu, la eleitu, Xefe Aldeia ne’ebé la eleitu,
juventude eleitu no delegadu sira, bazeia ba lei suku númeru 6/2016.
Entretantu
iha kolokiu ne’e, feto ida-idak ne’ebé mak eleitu bele dezeña programa
ida-idak nian, liu-liu programa feto eleitu. Dezeña programa maihusi Governu,
Alola fó de’it formasaun atu kapasita sira.
Fundasaun
Alola nia programa tinan lima mai, foka liu ba akompañamentu xefe suku ne’ebé
mak eleitu iha munisípiu hotu. Alola estabelese treinu ofisiál iha munisípiu
12, atu asegura implementasaun. (Jornalista: Zezito Silva/Editór:
Otelio Ote)
Sem comentários:
Enviar um comentário