DILI,
(TATOLI) – Partisipasaun reprejentante povu iha plenária Parlamentu
Nasionál (PN) ikus-ikus ne’e menus. Plenária ohin (4/4) iha de’it deputadu nain
27 kompostu hosi meza parlamentu bainhira hahú iha tuku 10.00.
Entre
deputadu nain 27 ne’e, bankada CNRT iha deputadu nain 11, FRETILIN nain 10,
Partidu Demokrátiku iha deputadu nain lima. Entertantu, deputadu Frente Mudansa
oras hatudu ona 10.57 foin deputadu Jorge Teme mak hola parte iha plenária.
Iha
tuku 11.08 prejensa deputadu iha plenária mosu mudansa hosi ema nain 27
ba hikas nain 19 to’o oras hatudu ba 11.19 hodi halo tiha de’it intervalu.
Tuir
ajenda núumeru 390/III (5a) reuniaun plenária tersa, 4 Abril 2017 hahú tuku
9.00 ho ajenda hanesan, periode antes ordem do dia, pedidu jusrtifikasaun falta
deputada Ana da Conceição Ribeiro hosi bankada FRETILIN, deklarasaun polítika
bankada parlamentár, intervensaun deputadu sira, informasaun hosi Sekretária
Estadu Asuntu Parlamentár no periode da ordem do dia laiha.
Deputadu
Adriano João membru bankada PD observa, situasaun menus partisipasaun ne’e
tanba liga ho konsénsia hosi deputadu sira nian, la’ós tanba tinan ida ne’e
nu’udar tinan ikus iha parlamentu.
“Bainhira
mandatu seidauk remata, dever ami nia mak tenke priense korum iha plenária kada
segunda-feira no tersa-feira”, haktuir.
Nia
dehan mandatu terseiru lejislatura sei hela fulan haat mak hotu, tanba ne’e
deputadu sira tenke utiliza tempu ho másimu, tanba uluk halo kompromisi katak
sei servi to’o tinan lima. Husu ba xefe bankada sira iha parlamentár liu-liu
bankada boot rua (CNRT-FRETILIN) atu toma atensaun, tanba agora ne’e
partisipasaun deputadu iha plenária minimun teb-tebes.
“Povu
akompaña hela ita, povu mak sei julga ita bainhira iha eleisaun”, realsa. Hodi
hatutan, maske partisipasaun menus maibé iha plenária ohin (tersa) ne’ebé
realiza ho lian Portugues ne’e deputadu sira kontinua levanta asuntu,
eletrisidade, estrada inklui bolsa estudu ba veteranu sira nia oan. (Jornalista:
Manuel Pinto - Editora: Rita Almeida)
Foto:
Kadeira deputadu nian barak mak mamuk iha plenária tersa (4/4).
Sem comentários:
Enviar um comentário