quarta-feira, 5 de abril de 2017

Emilia Pires Simu Pensaun Vitalisa Kontra Konstituisaun

PARTILHAR
DILI - Sosiedade sivil preokupa tebes ho politika orgaun estadu sira nian liu-liu Parlamentu Nasional (PN) no mos Governu atu fo Pensaun Vitalisia (PV) ba, Eis Ministra Finansas (MF), Emilia Pires neebe sai arguida tanba partisipasaun ekonomia i negosiu.

Tuir Reprezentante Programa Oficer AJAR (Asia Justice And Right), Inocencio Xavier hatete katak, foin dadauk Emilia Pires deklara nia-an laos sidadaun Timor Leste tanba sa mak nia bele hetan pensaun vitalisia, ida nee kontra konstituisaun artigu 3 sidadania nian.

Emilia Pires simu pensaun vitalisia nee kontra konstituisaun sidadaun, tanba nia laos sidadaun Timor, nia sidadaun Portugal,” dehan Reprezentante Programa Oficer AJAR, Inocencio ba STL iha nia knar fatin, Farol-Dili, Kuarta (05/04/2017).

Reprezentante Programa Oficer AJAR haktuir, kazu Emilia Pires laos komplesidade iha lei, maibe komplesidade iha interese politiku liu-liu ba orgaun soberanu sira hanesan Parlamentu Nasional (PN) sira no Governu koko atu fase liman hodi halo jogadas politik konaba Emilia Pires.

Inocencio argumenta, Emilia Pires serbisu tinan hitu maibe nia halo sala nia halai ba liur durante nia kaer mandatu hanesan Ministra nia uza pasaporte Timor oan depois nia hetan kazu akuzasaun husi ministeriu publiku hasoru justisa nia halai ba liur.

Iha fatin ketak, Sekretariu Jeral CNJTL (Konsellu Nasional Juventude Timor Leste), Luis Ribeiro dehan, konaba Emilia Pires neebe simu pensaun vitalisia nee entrega ba instituisaun kompetente halo investigasaun. Raimunso S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: