segunda-feira, 15 de maio de 2017

Koperativa Eskolar Buat Neebe Dinamiku

PARTILHAR
DILI – Ministeriu Edukasaun (ME) konsidera, koperativa eskolar nee hanesan buat neebe mak dinamiku, laos dutrina, tanba liu husi koperativa eskolar bele dezenvolve emprendorizmu no prepara estudante sira ba aban bain rua.

Kestaun nee fo sai husi Vise Ministru Edukasaun II (ME), Abel Ximenes hatete, agora iha koperativa lima, tanba atividade foun, tenke haree nia dezenvolvimentu oinsa, liu-liu haree ba ema.

Agora dadaun ita iha koperativa lima deit, tanba atividade foun, entaun ita tenke haree ninia  dezenvolvimentu nee oinsa, liu-liu haree ba ema, sistema no metodu nee, nuudar atividade nee mundu tomak iha, para nunee dezenvolve emprendorizmu no prepara estudante sira, depois liu husi koperativa eskolar estudante sira komesa iha espriensia, maibe nia metodu nee tenke haree didiak, balun komesa loke loja, no balun iha atividade sira seluk,” dehan vise ME Abel ba  jornalista iha edifisiu ME Vila-Verde, Dili, Tersa (09/05/2017).

Nia hatete, koperativa nee buat neebe mak dinamiku, no laos dutrina, koperativa eskolar nee barak liu iha Dili, maibe iha Munisipiu nee foin ida deit mak iha Covalima, iha capital Dili mak eskola sekundaria no 5 de Maio Becora, Cristal, ETI, 4 de setembru.

Iha parte seluk, Direitor eskola sekundaria jeral no 5 de Maio Becora, Manuel Verdial, hatete, oras nee koperativa eskolar iha eskola 5 de Maio Becora lao diak no susesu, tanba estudante sira hahu promove aan liu husi koperativa eskolar. Jacinta Sequeira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: