quarta-feira, 10 de maio de 2017

PNTL Halimar Bala Musan, Servisu Laprofisional

PARTILHAR
DILI – Akontesementu kazu Bebonuk, PNTL tiru mate vitima Tiago Inacio Coelho, Parlamentu Nasional (PN) husi komisaun B preokupa tanba polisia halimar bei-beik ho bala musan sei halo joven sira mate barak no servisu laprofisionalizmu.

Preokupasaun nee hatoo husi Deputadu Komisaun B trata asuntu Defeza Seguransa no Negosiu Estrajeirus Joao Adriano katak, Akontesementu nee tuir informasaun dehan katak labarik mane polisia tiru mate nee foin fila husi servisu fatin atu ba uma, maibe ba hasoru fali kilat musan ida nee hanesan reprezentante povu sente lamenta tebes ho hahalok sira hanesan nee.

PNTL halimar bala musan ida nee hatudu katak servisu laiha profisionalizmu, tanba polisia instituisaun neebe tenke iha profisional. Ami Parlamentu Nasional lamenta teb-tebes ho hahalok sira nee, se akontesementu buat kiik ka boot mak PNTL halimar deit ho kilat musan, ida nee ita nia joven sira nei-neik polisia sira sei oho barak liu tan,” katak Deputadu Joao ba Jornliasta Kuarta (10/05/2017) iha uma fukun parlamentu Nasional.

Nia hatete, konaba akontesementu Bebonuk polisia tiru mate joven ida, kazu sira nee laos foin akontese, maibe bei-beik ona, ho akontesementu nee komandu lafo autorizasaun ba OPS (Ofisial Polisia Suku) sira koalia, tanba hirarkia iha instituisaun PNTL mos iha instituisaun F-FDTL kuaze hanesan.

Nunee mos Deputadu Jacinto Viegas husi komisaun B, hatete PNTL iha regras no iha meius barak para bele halo atuasaun ba akontesementu ruma, ba kilat hodi tiru ema nee meius neebe mak ultimu, maibe ema neebe halo asaun makaas polisia sira uza meius selu-seluk labele ona. Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: