quarta-feira, 10 de maio de 2017

Kastigu prizaun ba governador kristaun Jakarta nian fahe Indonézia

PARTILHAR
Kondenasaun, iha loron-tersa, ba kadeia tinan rua ba governador antigu Jakarta nian, Basuki "Ahok" Tjahaja Purnama, membru hosi minoria kristaun no akuzadu hatete aat Alkoraun, hamosu iha loron-tersa ne'e hamosu konfrontu verbal sira entre simpatizante sira ho difamador sira. 

Purnama nia apoiante sira hamutuk atus resin konsentra iha prizaun ho seguransa maka'as iha parte liur, ne'ebé hanesan fatin detidu nian, ho manifestante oioin ne'ebé hakarak halo monu grade ida hosi estabelesimentu prizional ne'e.

Defende ho megafone, mane ida diriji ba ema sira ne'ebé prezenta ho dalan violentu: "Feton ho naan sira, justisa mate ona iha nasaun ne'e".

Júri, ne'ebé prezidi hosi majistradu Dwiarso Budi Santiarto, akuza ona Purnama hodi tenta hasoru unidade Indonézia nian no repete fali nia "direitu polítiku sira" hafoin nia transferénsia ba kadeia Cipinang, iha leste kapital nian.

Kastigu, ne'ebé sei reklama hosi defeza, konstitui dezafiu ida ba pluralizmu relijiozu iha nasaun ho populasaun musulmanu boot liu iha mundu.

Partidáriu millaun resin hosi governador hosi etnia xineza, ne'ebé koñesidu ho naran Ahok, lamenta ona desizaun hosi membru sira júri nian no promove ona konsentrasaun ida iha Ministériu Justisa nia parte exterior, hanesan fatin halo julgamentu.

"Hanesan kestaun polítika ida, sira seluk lakohi atu Ahok aprezenta ba eleisaun prezidensial sira tinan 2019 nian, hanesan julgamentu polítiku ida", konsidera hosi joven kristaun ida ho tinan 23, hafoin fó sai tiha kastigu, ba ajénsia notísia Efe.

Grupu islamita balun, ne'ebé halo manifestasaun durante fulan barak nia laran hodi husu kondenasaun rigorozu hasoru Ahok, konsentra mós iha besik ministériu no selebra desizaun hosi Tribunal, envolve iha konfrontu la violentu sira ho apoiante sira governador nian.

Ahok, ne'ebé iha fulan-Abril lakon iha eleisaun lokal sira iha Jakarta hasoru kandidatu seluk musulmanu, aponta ona iha fulan-Novemnru hosi komentáriu sira ne'ebé nia rejeita ona krítika hosi adversáriu sira bazeia iha versíkulu 51 hosi Alkoraun, ne'ebé polítiku kristaun hatete katak iha manipulasaun.

Kondenasaun imposta hanesan todan liu duké ida ne'ebé hato'o hosi prokuradora, maski ki'ik hosi máximu ne'ebé maka hatete iha lejislasaun lokal ne'ebé estabelese kadeia to'o tinan lima tanba halo blasfémia.

Reprezentante legal sira Ahok nian presiza atu apela ona ba desizaun iha instánsia superior sira, bainhira ministériu Interior indika ona iha komunikadu ne'ebé sei tuir etapa legal sira hodi substitui governador hosi nia adjuntu, Sjarot Syaiful Hidayat.

Polísia besik 13.000 resin maka mobiliza ona iha kapital indonéziu hodi preve konflitu entre apoiante sira no opozitori sira Ahok nian, ne'ebé iha loron 19 Abril lakon iha re-eleisaun ba kargu governador nian.

Konfrontu entre Ahok, ne'ebé to'o agora hetan ona apoiu hosi Prezidente Joko Widodo, no islamizmu polítiku hahú bainhira Ahok asumi kargu iha tinan 2014, no aumenta ho akuzasaun sira blasfémia nian, ne'ebé alimenta hosi opozisaun.

Eleisaun sira ba governador Jakarta nian hetan influénsia hosi konfrontu ne'e no desidi ona iha volta daruak ho Ahok lakon liu ho pontu 15 resin hasoru eis-ministru Edukasaun, Anies Baswedan, musulmanu ida.

Indonézia hanesan nasaun ida iha mundu ho númeru boot hosi populasaun musulmanu, ho 88% hosi nia populasaun millaun 250 iha relijiaun ne'e, barak liu ho dalan moderadu.

SAPO TL ho Lusa | Foto@ Tatan Syuflana /EPA
PARTILHAR

Author: verified_user

Publicação luso-timorense sem fins lucrativos

0 comentários: