segunda-feira, 19 de junho de 2017

Iha loron-tersa Timor-Leste inaugura aeroportu foun iha Suai

Iha loron-tersa ne'e governu timoroan inaugura aeroportu foun iha Suai, kilómetru 138 hosi sudueste Díli nian, infraestrutura ida ne'ebé sei iha folin total dolar millaun 93,4 maibé sei loka lahó semo regular.

Fonte hosi Ministériu Obra Públika, Transporte no Telekomunikasaun sira nian, katak aeroportu Suai agora daudaun uza de'it ba semo pontual sira charter nian, ba evakuasaun médiku sira nian ka ho de'it aviaun úniku timoroan nian, Twin Otter ho fatin 19 hosi Rejiaun Administrativu Espesial Oecusse-Ambeno (RAEOA).

Iha prátika, Suai iha nune'e aeroportu di'ak liu iha nasaun, hanesan rezultadu aposta ne'ebé Governu halo hela saida maka identifika hanesan "fatin sira dezenvolvimentu nian" dook hosi kapital.

Iha kazu ne'e, aeroportu, ne'ebé hahú harii iha tinan 2014, halo parte iha projetu boot Tasi Mane, hosi dezenvolvimentu tomak iha kosta súl nasaun nian.


Projetu ne'e inklui konstrusaun hosi Baze Apoiu Suai nian -, zona lojístiku sira, rezidensial sira no industrial sira - refinaria Betanu, unidade ida prosesamentu ba Gás Natural Líkidu (GNL), portu ida, autoestrada Suai-Beasu no gazodutu to'o kampu Greater Sunrise, iha Tasi Timor.

Total ida hosi empreza no konsórsiu hosi nasaun oioin hamutuk 15, inklui Portugal, aprezenta ona ba konkursu ne'ebé lansa iha inísiu tinan 2013, no Governu entrega antes obra iha folin dolar millaun 67, 69 ba Indonézia PT Waskita Karya (Persero).

Iha fulan-Jullu 2013, folin hosi kontratu ne'e aumenta ba dolar millaun 19 no iha preparasaun hosi Orsamentu Estadu nian ba 2016 Governu atualiza ona folin total hosi projetu ba dolar millaun 93,7.

Projetu inklui aumentu no reforsu ba pista aeroportu nian ba naruk metru 1.500 no luan 30, zona sira protesaun nian no estasionamentu nian, sistema drenajen nian no estrutura sira seguransa hosi perímetru nian.

Sistema sira kontrolu nian no apoiu ba navegasaun, tore kontrolu nian, estasaun meteorolojia nian no mós terminal di'ak liu iha nasaun nian, halo mós parte hosi projetu ne'ebé, tuir petrolífera nasional timoroan, Timor Gap, "sei permiti aumenta serbisu sira pasajeiru nian no karga nian ba indústria petrolífera nian".

SAPO TL ho Lusa

2 comentários:

Marcos da cruz disse...

Olá bom dia,
Hakarak fo sugestão deit karik iha informação ida ne koalia kona ba aeroporto então pelo menos tau imagem relaciona ho tema nebe iha leten, tamba conteúdo informasaun ne dehan inagura aeroporto mak aeroporto nia imagem ida mos laiha. Obrigado

TIMOR AGORA disse...

Olá, bom dia Marcos da Cruz

Lamentamos mas não conseguimos obter imagem correspondente da inauguração na hora de publicar a notícia. Desculpem.

Muito obrigado pelo contacto.