domingo, 25 de junho de 2017

MAP Sei Halao Sensus Agrikola

PARTILHAR
DILI – Ministeriu Agrikultura e Peskas (MAP), iha tempu badak sei halao sensus ba agrikultura iha laran tomal.

"Primera ves ita nia nasaun Timor Leste (TL) liu husi MAP servisu hamutuk ho Diresau Geral Estatistika (DGE) Ministeriu Finansas (MF) para halao sensus pilotu ida nebeke maizumenus amostra, atu halao iha ita nia rai TL ba sensus agrikultura nebe sei inplementa iha tinan 2019" dehan Estanislau Alexo ba Jornalista sira Kinta Feira (22/06/2017) iha salaun enkontru MAP Comoro Dili.

Agora dadaun MAP komesa ona halo planeamentu bazea ba dadus nebe mak sira iha, dala ruma dadus sira nemos ladauk kompletu, neebe ho programa sensus agrikula nee, enumerador sira sei lao ba iha uma kain ida-ida atu hare no husu ba komunidade sira katak saida mak komunnidade sira iha, saida mak sira kuda, saida mak sira hanoin atu kuda, kuda nee ninia rendimentu iha ka lae, karik rendimentu nee hira, ida nee importante tebes hodi bele hare desizaun nebe klaru konaba situaun real iha kampu ninian, liu-liu iha agrikultura nia moris.

Estanislau Aleixo mos realsa katak, maske ohin loron ema barak mak koalia konaba agrikultura ninian, dalaruma kaben mak boot demais, koalia lahanoin hanesan Manduku ida atu sai liurai.


Programa sensus agrikultura nebe mak atu halao nee, hetan apoiu fundus husi FAO nomos MAP sei halao segundu enkontru hamutuk ho parseiru dezemvolvimentu sira.

Nunee mos Diretor Sensus Agrikula, Claudino Ninas Nabais hateten sensus agrikula ida nee foin primera implenta iha TL. Iha tempu governu anterior neba la konsege impleamenta tanba prekupa ho osamentu, maibe ho governu foun ida nee tenta ho esforsu tomak oinsa mak bele implemnta sensus agrikula ida nee.

Ho preparativu ida nee konserteza MAP servisu hamutuk ho Diresaun Geral Estatistika (DGE) iha Ministeriu Finansas nia okos, atu bele hare didiak sensus agrikultura ida nee.

Ita hetan ona ajudus husi FAO ba implementasaun programa pilotu ba tinan ida, ita sei foti sampel suku balu nebe sai hanesan pilotu ba teste ekipamentus nomos kuesioner sira nebe mak ita sei prepara ba implementasaun sensus agrikultura iha tinan oin 2018,”nia Akresenta. EST6.

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: