domingo, 25 de junho de 2017

KI Sorumutu Parpol 21 Deskute Preparasaun Debate

PARTILHAR
DILI – Konsellu Imprensa (KI) hanesan orgaun komunikasaun social ida hamriik independente no imparsialidade sorumutu hamutuk ho lider partidu politik sira deskute konaba preparasaun ba debate.

Tuir Prezidente Konsellu Imprensa (KI), Virgilio Guteres katak, objetivu enkontru entre Konsellu Imprensa ho partidu politik sira hamutuk 21 neebe mak compete iha eleisaun hodi prepara ba debate.

"Enkontru nee atu hamutuk ho partidu politik sira konaba Konsellu Imprensa servisu hamutuk ho orgaun komunikasaun social Televizaun GMN no Radiu atu halo debate,” dehan Virgilio liu husi diskursu wainhira abertura sorumutu ho lider partidu sira iha salaun Fundasaun Oriente, Lesidere-Dili, Sesta (23/06/2017).

Virgilio haktuir, diskusaun ka debate entre partidu politik ho media nee sei konsentra liu ba asuntu komunikasaun social, exemplu katak durante nee povu informadu ka lae, konaba prosesu dezenvolvimentu neebe mak lao.

Iha fatin hanesan, Sekretariu Jeral Partidu Movimentu Libertasaun Povu Maubere (PMLPM), Reis Kadalak dehan, nia sente apresionante tebes ba programa ida nee atu nunee bele esplora programa sira neebe partidu sira iha ba publiku liu husi media.

Entertantu, observasaun diariu STL iha sorumutu entre Konsellu Imprensa ho lider partidu politiklao ho diak no partidu sira konsege dada sorteiu ba programa debate nee. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: