domingo, 25 de junho de 2017

PM saun-tomense apela ba intoleránsia hasoru violénsia doméstika no abuzu ba labarik sira

PARTILHAR
Primeiru-ministru São Tomé nian, Patrice Trovoada, partisipa iha loron-kinta ne'e iha marxa ida ba dame iha família no defende ona katak labele iha kompromisu sira ho ema sira ne'ebé pratika asaun violénsia nian hasoru feto sira no hasoru labarik sira.

"Ami halo marxa hodi haruka sinal ida ba sosiedade tomak hodi hahú hanoin valor hosi família, hosi dame, hosi respeitu no liuliu hatete katak laiha kompromisu ida ho ema sira ne'ebé halo asaun violénsia hasoru feto sira, hasoru labarik sira", Patrice Trovoada hatete.

Ema sanulu resin inklui funsionáriu públiku sira, organizasaun la'ós governu nian, konfisaun relijiozu sira, marxa ona iha loron-kinta loraik liuhosi estrada sira kapital São Tomé nian, hodi alerta ba nesesidade hosi koezaun familiar no promosaun dame nian, iha eventu ne'ebé organiza hosi ministériu justisa.

"Família hanesan fatin dame nian" hanesan lema ne'ebé hili ba marxa ne'ebé fó kór mutin ba sidade São Tomé nian.

Tendénsia hosi aumentu iha nasaun kona-ba asaun violénsia hasoru labarik sira, konsumu maka'as ba hemun alkóliku nian, droga no substánsia psikotrópiku sira seluk ne'ebé hamosu organizasaun hosi marxa ne'e hosi Ministériu Justisa, Administrasaun Públika no Direitu Ema nian.

"Kestaun sira ne'e hanesan grave maibé ita sei iha tempu hodi muda tanba ne'e maka governu, asosiasaun sira hosi sosiedade sivil, kámara sira desidi serbisu hamutuk no fó sinal ne'e liuhosi marxa ne'e", explika hosi Patrice Trovoada.

Tuir ho balansu semanal ne'ebé halo hosi polísia nasional saun-tomense nian kona-ba asaun kriminalidade ne'ebé akontese iha nasaun, entre loron sira 12 no 18 fulan ne'e nian rejista ona kazu hamutuk 11, destaka entre sira maka kazu rua homisídiu nian no kazu oioin violénsia doméstika nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: