quarta-feira, 14 de junho de 2017

PN Husu ME Retira Estudante Iha Cabo-Verde

DILI – Reprejentante povu iha uma fukun Parlamentu Nasional (PN), husu ba Ministeriu  Edukasaun (ME), atu retira estudante bolseiru sira neebe mak oras nee estudu iha Cabo-Verde.

Liu husi plenaria, deputadu husi bankada PD, Adriano do Nascimento husu ba governu sebele retira ona estudante sira nee mai iha Timor ou haruka fali ba iha fatin seluk, selae mosu dezastre ruma mak atu halo evakuasaun, tanba labele halimar vida, se ameasa bebeik, diak liu  revei fila-fali politika foun.

"Se governu disidi estudante hirak nee tau iha Cabo-Verde, hau hanoin politika ida nee, ita tenke haree fila-fali, tanba atu aprende saida iha Cabo-Verde, nasaun ida neebe mak funu bebeik, depois ita haruka tan ita nia alin no oan sira ba iha nee ba, depois ita la aproveita, tanba ita hakarak nasaun ida neebe mak ita nian estudante sira ba ho seguru, tanba nee mak hau aseita ita atu revei fila-fali ita nian politika katak, diak liu ba iha nasaun ida neebe kalma sai loron no kalan,” dehan deputadu Adriano ba jornalista liu husi sesaun plenaria iha uma fukun PN Dili, Tersa (13/06/2017).

Iha fatin hanesan deputadu Agostinho Lay, husi bankada CNRT hatete, ida nee jestaun iha finansiamentu nee mak tenke kapasita, tanba kapasitasaun nee tinan bain loron mak ninia rezultadu laiha hela deit.

Entretantu deputadu husi bankada FRETILIN, hanesan mos membru komisaun F neebe mak trata asuntu edukasaun, saude, veteranus, Eladio Faculto, hatete, problema estudante bolseiru iha Cavo Verde, ministru ladun iha posivel atu rezolve, tanba Estudante sira nee agora dadaun iha situasaun ida perigu. Jacinta Sequeira/Guilhermina Franco

Suara Timor Lorosae

Sem comentários: