Independensia Orgaun Eleitoral Ameasadu

DILI – Relasiona politika Governu nian hodi hamenus komisariu no mos hamenus kompetensia Komisaun Nasional Eleisaun (CNE), ida nee hatudu katak servisu orgaun eleitoral ameasadu halo servisu.

Tuir Reprezentante Programa Oficer AJAR, Inocencio Xavier katak, hanesan sosiedade sivil Timor Leste kestiona makas independensia servisu orgaun eleitoral nian neebe komesa menus.

Ami nia preokupasaun liliu ba iha eleisaun mai nee, intervensaun Governunian halo tiha ona,” dehan Inocencio ba STL iha nia knar fatin, Farol-Dili, Segunda (12/06/2017).

Inocencio haktuir, intervensaun Governu nian ba servisu orgaun eleitoral nian nee hatudu katak independensia orgaun eleitoral nian nee sei iha situasaun problematiku nia laran. Inocencio sublina, ida nee mos hatudu halo intervensaun Governu nian liu husi diploma ministerial sira neebe mak Governu halo, hasai tiha hodi fo kompetensia ba ministru atu halo intervensaun.

Iha fatin ketak, Vice Prezidente FM, Vicente Maubosi husu ba ofisiais Governu no mos membru Governu sira labele uza nia poder hodi tama arbiru iha servisu orgaun eleitoral nian. Raimundo S. Fraga

Suara Timor Lorosae