quarta-feira, 14 de junho de 2017

The Asia Foundation Kopera Ho MTAK

PARTILHAR
DILI – Organizasaun Non Govementais (ONG) The Asia Foundation halao kooperasaun servisu hamutuk ho Governu liu husi Ministeriu Turismu Arte e Kultura (MTAK), hodi dezenvolve Area Turismu iha Timor Leste (TL). Kooperasaun nee aprova ona iha konsellu Ministru iha inisiu tinan 2017.

Reprezentante Paz The Asia Foundation Susan Marx hatete, Setor Turismu iha TL importante teb-tebes haforsa ekonomia rai ida nee.
“Ami nia organizasaun servisu hamutuk governu TL, Sosiedade Sivil, Setor Privadu, atu dezenvolve setor Turismu hodi hadia no haforsa ita nia ekonomia iha Timor,” hatete Susan Marx Ba Jornalista sira iha Cafe Agora, Kampu Alor Dili.

Susan Hatutan tan katak sei halo peskiza buat barak atu kontribui ba planu marketing, promove TL iha nasaun tomak.

“Ami kontenti tebes katak governu TL ohin partisipa hanesan Ex presidenti Jose Ramos Horta, nomos ema boot sira atu koalia kona ba Setor Turismu nian, atu kontribui ba TL nia  ekonomika,” tenik nia.


Nia hatutan, Fundasaun Azia servisu hamutuk ho TL durante tinan 25 ona, antes Timor hetan indepedensia, Fundasaun Azia servisu ona iha Timor.

Nunee mos Diretor jeral Turismu Aquilino Santos Cairo hateten ONG The Asia Foundation halo diskusaun ba forum ida nee atu koalia kona ba oinsa dezenvolvimentu turismu ba oin. Governu TL iha ona politika nasional ba Turizmu atu sai hanesan matadalan para bele dezenvolve.

Ita presija politika ida ke diak para atu halo strategi ho planu asaun bazea ba politika ida ke diak atu bele lao ba oin, tanba nee presiza ita hotu ninia involvimentu atu dezenvolve setor Turizmu iha rai laran,”nia akresenta.

Iha fatin hanesan Vise Ministra Turismu, Arte No Cultura Isabel de Jesus Ximenes hateten objetivu ba forum ida nenee koalia kona ba atu Dezenvolve Turismu ida neebe mak sustentabel ho inklusivu iha TL tanba nee tenke servisu hamutuk ho governu nomos parseiru dezenvolvimentu sira, sosiedade sivil, nomos kumunidade sira atu bele dudu Setor Turismu ba oin,” dehan nia.

Nia hatutan, Politika dezenvolve Turismu TL, aprova tiha ona iha Konsellu Ministru, IV Governu Konstitusional sai referensia para atu dezenvolve estrategias ho planus para ba future halo saida iha Turismu nian, atu bele dada ema tama tan mai rai laran. EST3

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: