quarta-feira, 14 de junho de 2017

Xanana: Labele Tau Interese Nasionál Ba Interese Partidu

DILI (TATOLI) – Prezidenti Consselho Nacional de Reconstrução Timorense (CNRT), Kay Rala Xanana Gusmão afirma katak, esforsu ne’ebe nia (Xanana) halo iha prosesu fronteira marítima la’o ona, maibé Nia halo la’os ba interese partidu nian, ba interese nasionál.

“Agora ha’u mak lidera nu’udar Xefe negosiadór ba fronteira marítima maibé labele aproveita ida ne’e ba interese partidu atu manan iha eleisaun lejislativa, maibé interese nasionál tenke tau ás,” Xanana informa ba jornalista sira iha Aeroportu Internasionál Nicolau Lobato-Dili, Tersa (13/06) hafoin fila hosi estranjeiru ho misaun G7+.

Tuir Xanana, fronteira marítima la’os partidu CNRT nian, maibé kestaun ne’e estadu nian. Tanba ne’e, sempre tane ás interese nasionál.

Hatan kona-ba, informasaun Taur Matan Ruak sei asume hikas kargu Primeiru-Ministru, iha formasaun governu foun. Xanana esplika, “Durante ne’e ha’u ladauk koalia ho Prezidente partidu Libertasaun Populár, Taur Matan Ruak atu sai xefe governu iha VII governu konstitusionál tanba iha partidu CNRT ha’u (Xanana) mós iha lista númeru dahuluk.” 

Jornalista: Zezito Silva | Editor: Manuel Pinto

Sem comentários: