Militante Aikakeu Sai, lafo Impaktu Ba FRETILIN Iha Elpar

DILI – Militante neebe maka haksoit tun sae laiha prinsipiu alias aikakeu sai husi partidu FRETILIN, sei lafo impaktu ba partidu nee iha eleisaun Parlamentar, tanba partidu FRETILIN nia baze metin laiha ema ida maka brani atu ba sobu.

Vise Prezidente Partidu FRETILIN Francisco Miranda Branco hateten, Situasaun ida agora nee demokrasia neebe partidu ida ba sira apoveita deklara tama iha neeba, neebe militante aikakeu neebe maka sai husi partidu ba tama fali iha partidu seluk sei lafo impaktu ba partidu FRETILIN iha eleisaun Parlamentar mai, tanba FRETILIN nia baze sempre metin.

Ba ami laiha problema militante aikakeu sira neebe maka hasoit tun sae ba partidu seluk, tanba sira sai ema seluk deklara aan tama fila fali hodi halo rame festa demokrasi ida nee,” dehan Vise partidu FRETILIN Branco, ba STL, iha nia servisu fatin GOPAC, Dili, Segunda (12/06/2917).

Nia dehan, FRETILIN nia mehi iha tinan 2017 nee tenke fila fali ba kaer ukun, atu fila fali ba dalan ida nee oras nee dadaun FRETILIN hakbesik aan ba baze hodi estratejia foun ba kampania. Programa FRETILIN nian tuir Branco katak, Programa integradu neebe tun ba baze, forma postu de kampania iha Postu Administrativa sira hotu, neebe membru CCF maka destakadu ba iha neeba.

Iha parte ketak Koordendor Partidu FRETILIN Munisipiu Liquisa, Joaquim Barros Soares garante katak Partidu FRETILIN sei manan eleisaun parlamentar iha Munisipiu Luiquisa, tanba FRETILIN estabelese nia estrutura iha nivel aldeit to munisipiu metin. Carme Ximenes

Suara Timor Lorosae