quinta-feira, 22 de junho de 2017

PR husu respeitu no ambiente dame no estabilidade ba votu 22 Jullu nian

PARTILHAR
Prezidente Repúblika Timor-Leste nian apela ona iha loron-segunda ne'e ba eleitor sira hodi vota ho responsabilidade no ajuda garanti atu kampaña ba eleisaun sira loron 22 Jullu nian, ne'ebé hahú iha loron-tersa ne'e, hala'o iha ambiente ida respeitu, dame no estabilidade nian.

"Ba sidadaun tomak ha'u apela atu vota ho sentidu responsabilidade no respeitu. Partisipa iha prosesu kampaña hodi ajuda esklarese povu timoroan. Votu hanesan importante tebes ba nasaun", afirma hosi Francisco Guterres Lu-Olo iha mensajen ida vídeo nian.

"Forsa sira seguransa nian sei garanti seguransa. Ha'u hatene katak povu sei vota ho sentidu responsabilidade nian", nia afirma.

Iha mensajen ida ne'ebé transmiti iha pájina Prezidénsia Repúblika nian iha Facebook, Francisco Guterres Lu-Olo diriji ba "povu Timor-Leste nian" hodi hanoin hikas responsabilidade hosi ema tomak hodi hili Governu ida ne'ebé sei iha responsabilidade hodi lori nasaun nia moris.

"Hamutuk forsa polítika 21 maka partisipa hodi hetan imi nia votu konfiansa iha loron 22 Jullu. Partisipasaun normal ida iha sistema multipartidáriu nian no demokrátiku ne'ebé Timor-Leste iha no ne'ebé maka laiha violénsia", nia hatete.


"Ha'u husu ba imi tomak atu labele hatete ka hakerek liafuan sira ne'ebé bele hakanek dignidade hosi ema sira seluk nian. Atu ko'alia no respeita nafatin ema sira seluk no ideia sira seluk", nia hatutan mós.

Lu-Olo hatete katak objetivu maka hala'o eleisaun ida "livre no demokrátiku" ne'ebé "laiha violénsia organizadu, lahó konflitu, iha ambiente ida dame no estabilidade nian".

Lu-Olo hanoin hikas katak líder hosi partidu sira "asina tiha ona iha loron 16 Juñu iha Palásiu Prezidente nian kompromisu ida hodi garanti dame no estabilidade" no apela ona "ba militante no simpatizante tomak hosi partidu sira atu fó onra ba kompromisu ne'e".

Iha loron 22 Jullu, eleitor timoroan sira hili membru na'in 65 ba Parlamentu Nasional no boletin votu nian iha partidu hamutuk 20 no koligasaun ida.

Kampaña hahú iha loron-tersa no hala'o to'o loron 19 Jullu, sei iha loron rua ba reflesaun no ne'ebé permiti atu ema timoroan sira bele halo viajen hodi vota iha fatin sira ne'ebé sira halo resenseamentu.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: