quinta-feira, 22 de junho de 2017

Membru oioin Governu nian suspende funsaun sira ba kampaña

PARTILHAR
Membru oioin hosi Governu timoroan, inklui primeiru-ministru, suspende temporáriu sira nia funsaun hodi bele akompaña kampaña sira hosi sira nia partidu, maibé governasaun "kontinua garantidu", hatete hosi xefe Governu interinu ba Lusa.

"Buat hotu la'o ho normalidade, hanesan hatete iha lei. Direitu kampaña nian hanesan direitu ida ema hotu nian maibé mós hanesan dever ida. No membru sira hosi Governu, inklui primeiru-ministru, konsidera importante ajuda fó informasaun ba eleitoradu", hatete hosi Agio Pereira, primeiru-ministru interinu, ba Lusa.

"Ema hotu hakarak uza tempu hodi fó informasaun ba eleitor sira hodi bele desidi ho dalan di'ak no informadu kona-ba partidu ne'ebé maka sira hakarak vota", nia esplika.

Aleinde primeiru-ministru, Rui Maria de Araújo (Fretilin), hanesan ativu iha kampaña sira no membru oioin hosi ezekutivu iha suspensaun ba sira nia funsaun, inklu ministru Estadu, Kordenador hosi Asuntu Sosial sira no Ministru Edukasaun, António da Conceição (PD), ministru Estadu, Kordenador hosi Asuntu Ekonómiku sira no Ministru Agrikultura no Peska nian Estanislau da Silva (Fretilin), no ministru Estadu, Kordenador ba Asuntu sira Administrasaun Estadu nian no Justisa nian no Ministru hos Administrasaun Estatal, Dionisio Babo (CNRT).


Ministru Negósiu Estranjeiru no Koperasaun, Hernâni Coelho no visi-ministru Komérsiu, Indústria ho Ambiente, Constâncio Pinto (PD), husu mós suspensaun temporáriu hosi sira nia knaar.

Governu konstitusional VI hanesan kompostu hosi membru sira hosi partidu polítiku oioin ne'ebé maka lidera hosi membru ida hosi Komité Sentral Fretilin nian, Rui Araújo, maski partidu maioritáriu maka Congresso Nacional da Reconstrução Timorense (CNRT) hosi Xanana Gusmão nian, ne'ebé husik nia kargu iha Janeiru 2015, agora okupa funsaun sira nu'udar ministru Planeamentu no Investimentu Estratéjiku.

Lei hatete katak membru sira hosi Governu ne'ebé maka halo parte iha lista partidáriu sira ne'ebé kandidata ba eleisaun parlamentar sira, marka ba loron 22 Jullu, bele hasai lisensa ho vensimentu durante kampaña.

Sira seluk ne'ebé la halo parte hosi lista bele husu lisensa lahó vensimentu ka goza loron sira férias nian, hodi bele garanti katak governasaun diáriu "mantén nafatin", esplika hosi Agio Pereira.

Bainhira presiza no iha momentu ruma hodi aprova "lejislasaun importante", hanesan ezemplu, membru Governu sira bele fila fali ba funsaun sira no, tuir dalan formal, Governu tama iha jestaun iha loron eleisaun sira nian.

Agio Pereira felisita faktu katak kampaña hala'o hela "ho normalidade tomak" hodi destaka ba hanesan dala uluk maka Timor-Leste "halo kampaña lejislativu ida lahó prezensa hosi misaun ruma ONU nian", ne'ebé hakotu ona nia prezensa iha fulan-Dezembru 2012.

"Ne'e ba ami hanesan motivu ida orgullu maka'as. Ami bele hametin katak buat hotu sei la'o ho di'ak, no ami hatene, bele no tenki manán, haktuir hosi ami nia prezidente dahuluk, Nicolau Lobato", nia hatete.

"Partidu tomak iha konsiénsia katak ami tenki hatudu ba mundu, liuliu ba ami nia maun-alin sira iha CPLP katak ami iha situasaun di'ak, lori prosesu demokrátiku ho responsabilidade patriótiku nian no atu buat hotu sei la'o ho di'ak", nia hatete.

Primeiru-ministru interinu senti konviktu katak rezultadu sira "sei respeita hosi ema tomak" no katak eleisaun "sei sertifika konsolidasaun hosi independénsia no soberania" nasaun nian.

Total ida hosi partidu hamutuk 20 no koligasaun ida maka halo kampaña hahú loron-tersa ne'e ba eleisaun sira loron 22 Jullu nian ne'ebé maka eleitor hamutuk 764.858 hosi nasaun ne'e bele hili membru na'in 65 hosi Parlamentu Nasional nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: