quinta-feira, 22 de junho de 2017

Kampania ba Dala Rua, Alkatiri “Hau Hato Programa FRETILIN Nian, Laos Ataka Ema“

DILI - Kampania ba dala rua neebe halao ho  dialogu hamutuk ho estudante Universidade sira iha  UNITAL nee, Sekjer Partidu FRETILIN Mari Alkatiri hateten, Iha Kampania nia (Sekjer Partidu FRETILIN Mari) atu hato programa partidu FRETILIN nian, laos atu ataka ema seluk.

Loron Primeiru kampania deit hatudu ona katak diak liu tan Prezidensiais, iha Prezidensiais kuandu FRETILIN fila husi Ermera ema tuda iha rai kotu, maibe horseik aman los, diskursu hau nian hateten momos hau aprezenta programa, hau laataka ema ida durante kampania nee”, dehan Sekjer Partidu FRETILIN, ba jornalista sira iha UNITAL, Becora, Dili, Tersa (21/06/2017).

Eis Xefi Governu iha Primeiru Governu Konstitusional nee mos tilun diuk ba provokasaun, maibe nia matan no kakuta sei lataka, i nia ibun kolia nafatin programa FRETILIN nian. FRETILIN tuir Sekjer Mari katak, Halao servisu tinan sanuluh ona, no FRETILIN nunka lakon, maibe STAE maka halo konta sala.

Iha parte ketak Xefi bankada Parlamentar PD Maria Lourdes Bessa hateten, Partidu Demokratiku sei halo kampania ida ke ho lia fuan neebe koretu hodi hatudu ba povu tomak katak, Partidu Demokratiku hakarak kontribui ba dezenvolvimentu estadu nian, no mantein paz no estabilidade.

Entretantu Manuel da Silva hanesan observador politika husu ba parpol politika sira neebe maka povu fo fiak ba ukun atu hare povu nia terus no susar, laos ba hare fali sira nia familia, dehan Manuel. Carme Ximenes/EST2

Suara Timor Lorosae

Sem comentários: