quinta-feira, 22 de junho de 2017

Alola Fahe Informasaun Konaba Mal-Nutrisaun, Ba Komunidade Camea

PARTILHAR
DILI - Fundasaun Alola fahe imformasaun kona-ba prevensaun mal-nutrisaun ba komunidade Suku Camea, Postu Administrativu Cristu-Rei.

Albertina de Rouja nuudar Koordenador Fundasaun Alola hatete, objetivu sorumutu nee  koalia kona-ba orientasaun ba programa saude inan ho oan. Oinsa ba inan sira fo susu ba oan sira, nomos ba oan sira idade tinan 5 mai kraik.

Tanba programa nee Fundasaun Alola establese ona ba inan ho oan husi tina 2016, programa nee lao depende ba duadur. Lolos programa nee para ona iha tinan kotuk maibe sira hetan fiar nafatin husi duador sira entau sira hahu fali programa nee. Tanba nee mak,  ohin hahu halo kontinuasaun fila fali,  konsentra iha Suku Camea.

“Ami nian haree no observa komunidade sira mos iha vontante tebes atu partisipa, liu husi programa neebe mak identifika inan isin rua sira nomos ba labarik sira tinan 5 mai kraik. Depois ami mos tein hahan ba sira,”katak Alberto ba STL hafoin partisipa sorumutu nee iha Sede Suku Camea, Tersa (20/6/2017).

Tuir nia katak, liu husi programa nee oinsa identifika inan isin rua sira no labarik sira tinan 5 mai kraik bainhira sira identifika ona mak sira mos buka dalan oinsa bele rejolve problema hirak nee, liu husi halo karta ba Ministeriu Saude.


Iha fatin hanesan Matos da Costa nuudar Xefe Suku Camea dehan, sorumutu nee importante tanba liu husi programa nee fo apoio ba komunidade sobre grupo suporta inan. Tanba nee fundasaun mai husu konselu do suku para fo apoio masimu ba aktividade ida nee tanba iha lei suku mos hateten ona, sebele membro sira neebe establese ona iha suku nee tenki halao sira nian servisu. Liuliu fundasaun tenki tau atensaun ba grupo sira para servisu nee bele lao ba oin.

Hau hanoin liu husi programa ida nee fo venefisiu tebes ba komunidade sira, tanba ita koalia konaba saude ba inan no oan nee importante. Nasaun ba oin nee persiza saude husi inan ho oan. Nee duni, husu nafatin ba fundasaun habelar no haboot liu tan programa nee ba komunidade sira neebe seidauk asesu ba programa nee.

Nunee mos, husu liuliu komunidade Suku Camea simu diak ho programa nee tanba membro neebe tun ba iha aldeia mai husi Suku Camea, mak fahe impormasaun ba ita boot sira.

Diak liu hakmatek no hodi rona programa hirak nee, kolabora diak ho membro sira para programa nee bele lao ba oin.

Iha sorin seluk partisipante nomos membro ba programa GSI hateten, sorumutu ba loron ohin koalia kona-ba Mal-Nutrisaun, ba inan neebe fo susu ba oan sira, no fo han ba oan no inan sira.

Programa nee kapas tebes bele fo venefisiu ba komunidade sira tanba durante halao aktividade hetan duni oan neebe mak hetan mal nutrisaun. Depois liu husi programa nee sira sei fo karta kuiinezementu ida dirize ba Ministeriu Saude, atu nunee bele ajuda fo batar uut no hemu aimorok.

Nunee mos liu husi programa nee bele habelar imformasaun ba komunidade sira oinsa hamenus mal nutrisaun.*Est5

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: