sábado, 15 de julho de 2017

Alkatiri: Lian Materna La’ós uza hanorin Labarik

PARTILHAR

MANATUTU: Sekretáriu Jerál partidu FRETILIN Mari Alkatiri Alkatiri dehan, sistema edukasaun komplikadu tebes tanba kada tinan muda kurikulum ne’ebé fó prioridade liu ba lian materna.

“Ita hotu-hotu hakarak ita nia lian materna hotu-hotu labele lakon, maibé tenke dezenvolve buka dalan seluk la’ós tau fali uza lian materna hodi hanorin labarik sira atu aprende lee no hakerek”, dehan liu husi komísiu politika kampaña iha Munisípiu Manatutu, horisehik.

Tanba nia dehan, atu hanorin labarik estudante sira primeiru ano ba eskola to’o aban bainrua atu sai doutór no enjeñeiru ne’e sistema ho polítika seluk la’ós hanorin falin lian materna.

Tanba ne’e, nia dehan, durante tinan 10 sira ukun buat barak la’o laloos no laiha rezultadu hodi benefisiária ba povu ki’ak no mukit.

“Ha’u nia kompadre Xanana Gusmão dehan buat balun la’o la loos, ha’u dehan kompadre la’ós buat balun maka la’o la loos maibé buat barak maka la’o laloos”, dehan nia iha Munisípiu Manatutu,horisehik.


Programa FRETILIN, Alkatiri dehan, hakarak hadi’a sistema no polítika ho konseitu neen atu lori dezenvolvimentu ba rai no povu ne’e.

Nia informa, FRETILIN hakarak hadi’a estrada, sistema edukasaun no saúde no ekonomia hodi benefísiu ba povu no rai ne’e.

“Polítika sei la’o sala dalan ne’ebé sira ukun envés ukun povu,maibé uza povu de’it hodi ukun ba nia uma laran no ukun de’it sira nia ema iha partidu nian”, dehan nia.

FRETILIN ukun, povu mak ukun ho prinsípiu dezenvolvimentu tenke balansu iha sosiál, ekonómiku no polítika.

“FRETILIN tenke ba fila fali ukun hodi liberta povu husi ki’ak no mukit”.

Independente
PARTILHAR

Author: verified_user

Publicação luso-timorense sem fins lucrativos

0 comentários: