sábado, 22 de julho de 2017

Deputadu Fretilin Baku Ema Ida

DILI – Mosu akontesementu ida, iha Ermera, Deputadu husi bankada partidu Fretilin, baku ema ida. No tuir informasaun vitima hanesan membru PLP iha suku Ponilala, Aldeia Kota Heu, Munisipiu Ermera.

Tuir Xefi Suku Ponilala Municipiu Ermera Amaro Silvero Dos Santos katak, akontese duni iha fatin votasaun deputadu husi bankada Fretilin Antonio Dos Santo 55 baku ema ida, maibe la indentifika nia husi partidu neebe.

"Sim akontese duni problema kiik ida, deputadu Fretilin baku Sirilio Da Costa Babo maibe, nee hanesan problema privadu sira nian. Maibe ami la haten no la indentifika problam husi nee, no vitima husi partidu neebe, ami la dun hatene, ”hateten Amaro ba STL via telefone Sabadu, (22/07/2017).

Afirma tan, agora dadaun vitima hatoo, ona keiza ba iha polisia ermera atu halo prosesu investigasaun. Maske akontese problema nee, maibe situsaun lao hakmatek, tanba hetan seguransa husi polisia sira. No populasaun sira mos, kontinua forma, atu espresa sira nia votu.


Nunee informasaun husi fiskais balun iha fatin refere hateten, centru votasaun ida iha Ponilala akontesementu, iha 10h 26m deputadu Fretilin Antonia 55, baku ema husi PLP.  Husi distansia 500 metros husi centro votasaun halo ema eleitores hakfodak.

Alende nee deputadu bankada Fretilin Antonio Dos Santo 55 hateten akontesementu duni ida nee, maibe dook husi centru votasaun. No nee hanesan problema privadi sira nian.

"Akontesementu iha neeba duni, dook husi centru votasaun, maibe nee ami nia problema privadi.  Hau ba laos hanesan deputadu maibe ba hanesan Kordenador. No informasaun klaru ita boot sira bele husu ba iha polisia,” dehan Antonio.

Alende nee komandante PNTL Municipiu Ermera Natersia Martins Relata, akontesementu nee, iha ona prosesu investigasaun. No polisia foti ona deklarasaun husi vitima no suspeitu.

"Sira nain rua tama hotu ona iha prosesu polisia nian. polisia foti deklarasaun husi sira nain rua hotu ona, hein submete ba iha prosesu prosedementu legal,” esplika Natersia.

Salienta tan, akontesementu nee akontese duni, agresaun fijika simples ida, no autor mak mai rasik iha polisia no vitima polisia mak ba foti hodi lori mai duni. Nunee sira nain rua, fo ona deklarasaun, atu lori ba aprezenta iha menisteriu publiku, tuir prosedementu neebe iha.Terezinha De Deu

Suara Timor Lorosae

Sem comentários: