Iha
loron-kinta ne'e Prezidente Repúblika timoroan hatete katak hamenus ho halakon
kiak hanesan "prioridade regular hosi asaun Estadu nian" no ne'ebé
susesu hosi prosesu polítiku tenki avalia mós hosi dezenvolvimentu sosial ho
ekonómiku nasaun nian.
Iha
diskursu iha Díli oras 48 antes eleisaun lejislativu sira, iha siklu eleitoral
dahaat nasaun nian ne'ebé iha tinan 2002 restaura ona nia independénsia,
Francisco Guterres Lu-Olo hatete ona katak "konsolidasaun hosi estadu
Direitu reforsa konfiansa hosi sidadaun sira no hosi ajente ekonómiku
sira".
Realizasaun
hosi "eleisaun livre sira, pasífiku sira no izentu sira hanesan importante
tebes hodi ita bele fó atrasaun ba nasaun, no mós fortalese konfiansa hosi
família sira, hosi sosiedade, no hosi investidor sira, nasional ho
internasional, ne'ebé bele kontribui hodi harii empregu sira no aselera prosesu
dezenvolvimentu nasional nian", Lu-Olo afirma.
"Estabilidade
polítika hamosu konfiansa iha ajente sosial no ekonómiku sira no promove
dezenvolvimentu", nia hatete.
Xefe
Estadu ko'alia iha enkontru ida ne'ebé promove hosi Komisaun Nasional ba
Eleisaun sira (CNE) kona-ba prosesu realizasaun hosi eleisaun livre sira iha
Timor-Leste ne'ebé halibur observador nasional no internasional sira, iha mós
partisipante sira seluk.
Partidu
20 no koligasaun ida aprezenta ona iha loron-sábadu ba eleisaun hodi hili
membru na'in 65 hosi Parlamentu Nasional no ne'ebé sei sai Governu
konstitusional ba dala VII.
"Ami
nia povu iha konsiénsia kona-ba importánsia hosi momentu istóriku ne'e, iha
tinan ne'ebé selebra tinan 15 ba Restaurasaun Independénsia nian", hatete
hosi Lu-Olo ne'ebé eleitu iha loron 20 Marsu liubá.
"Ha'u
hatene determinasaun hosi sidadaun sira, hosi partidu sira no hosi sosiedade
timoroan sira ne'ebé ami afirma, hamutuk, susesu hosi seleisaun sira no ami
kaer rasik susesu ne'e iha ami nia liman laran - hodi fó kbiit foun ida ba
anseiu, ne'ebé ami fahe, hodi harii moris di'ak ida, iha nasaun di'ak
ida", nia hatutan.
Lu-Olo
felisita ba asaun responsável ne'ebé maka partidu ho sidadaun sira halo durante
kampaña eleitoral durante fulan ida nia laran, kumpri kompromisu ida hodi
hametin dame no estabilidade ne'ebé asina hosi líder polítiku sira iha
fulan-Juñu.
"Ho
ha'u nia satisfasaun, konklui kampaña, ha'u hato'o fali felisitasaun ba líder
sira, militante no apoiante sira hosi partidu tomak ba respeitu maka'as, to'o
loron ohin, hosi kompromisu ne'ebé asina ona", nia hatete.
"Ambiente
ne'ebé maka akontese iha kampaña eleitoral la suprende ha'u. Hanesan duni
expresaun notável ida ba maturidade demokrátiku, hosi maturidade sidadaun sira
nian. Maturidade ne'e hametin ha'u nia konfiansa iha futuru no iha potensial
dezenvolvimentu sosial no ekonómiku hosi ami nia nasaun", nia hatutan mós.
Xefe
Estadu hatete ona katak asaun hosi prosesu eleitoral ne'e hanesan rezultadu
hosi esforsu hamutuk hosi ema barak, hosi partidu sira to'o sidadania, hosi
Governu to'o sosiedade sivil.
Lu-Olo
fó hanoin progresu sira ne'ebé "ezersísiu demokrasia rejista ona" iha
dékada rua ikus ne'e iha nasaun oioin, liuliu iha Ázia, "rezultadu hosi
aspirasaun sira no vontade hosi povu sira rasik".
Nia
hatete katak Timor-Leste ho nia povu "senti satisfasaun maka'as tanba sai
hanesan ko-autor, aleinde hanesan benefisiáriu, hosi dezenvolvimentu
demokrátiku importante balun iha tinan 20 ikus ne'e iha rejiaun".
"Ohin
loron, demokrasia hanesan patrimóniu importante hosi ema timoroan sira no hosi
Estadu timoroan. Nune'e, tanba patrimóniu ne'e hanesan importante tebes maka
ami labele tolera. Ami bele deskansa ba rezultadu sira ne'ebé maka ami hetan
ona", nia hatete.
"Ami
tenki hanesan pró-ativu iha reforsu sira demokrasia nian. Dalan ida hodi ami
bele halo maka liuhosi serbisu, beibeik, ba transparénsia ho kualidade hosi
eleisaun sira", nia konsidera.
SAPO
TL ho Lusa
Sem comentários:
Enviar um comentário