Kompete Iha Kampu Servisu Depende Kualidade Graduadu

DILI – Maske universidade iha Timor Leste (TL), kada tinan halo graduasaun ba graduadu sira, maibe bainhira atu kompete iha kampu servisu, depende ba kualidade graduadu sira.

Preokupasaun nee hatoo husi Reitor Institute Siensia Relijioza (ICR) Pe. Urbanus Bunga Lolon SVD, hatete, tinan-tinan universidade halo graduasaun, siqnifika sira neebe mak hetan graduasaun nee, espera sira bele hetan servisu, tanba estudante sira iha mehi ida katak, bainhira remata estudu iha universidade sira tenke hetan servisu, primeiru oinsa estudante sira neebe hetan graduasaun nee, sira nian kualidade oinsa, diak ka lae, bainhira sira nian kualidade la diak, sira mos labele hetan servisu.

"Ita koalia konaba ensinu superior ninia, tanba total ensinu superior iha Timor laran nee, tinan-tinan halo graduasaun, siqnifika sira neebe mak hetan graduasaun nee, espera sira  bele hetan servisu, tanba ita nian estudante sira iha mehi ida katak, bainhira remata estudu iha universidade sira tenke hetan servisu, primeiru oinsa ita nian estudante sira neebe hetan graduasaun nee, sira nian kualidade oinsa, diak ka lae, bainhira sira nian kualidade la diak , sira mos labele hetan servisu, bainhira sira iha kualidade diak, kampu servisu laiha, nee mos sai problema,” hatete Pe. Urbanus ba STL hafoin enkontru ho ME iha edifisiu ME Vila-Verde Dili Kuarta (19/07/2017).

Iha fatin hanesan, II vise Ministru Edukasaun (ME), Abel Ximenes, nia hanoin ida nee asuntu ida neebe mak importante, bainhira koalia konaba kampu servisu ninia nee, perguntas mak nee, se mak atu kria kampu servisu, too agora espriensia TL, desde 2000-2017, barak liu nee kampu servisu nee mai husi setor publiku.

Iha parte seluk, Primeiru Ministru (PM), Rui Maria de Araujo, hatete, too agora lisensiatura barak seidauk hetan servisu, tanba nee, apela ba estudante sira, hanesan joven ba rai ida nee, tenke uza oportundade diak, no presiza hetan abilidade diak, para bele hetan servisu, tanba governu sei la fo servisu ba ema hotu atu sai funsionariu publiku. Jacinta Sequeira

Suara Timor Lorosae