segunda-feira, 10 de julho de 2017

Konsekuensia KKN, Povu Kontinua Moris Kiak

DILI - Oras nee korupsaun no KKN nafatin mosu iha Timor-Leste halo povu sira kontinua moris kiak no mukit nia laran, tanba nee Fretilin sei hamos, no halakon hahalok KKN no korupsaun bainhira manan maioria iha Eleisaun Parlamentar (Elpar).

Kestaun nee hatoo husi Vice Prezidente Partidu Fretilin Farncisco Miranda Branco hatete, iha komprimisiu kampana eleitoral Fretilin nian nee, aleinde preoridade ba programa sira seluk, sira mos sempre hatete ba povu ou eleitores sira, sei tau preoridade atu hamos korupsaun no KKN iha Timor-Leste.

Ami akompana Lei da administrasaun publika, no funsionamentu governasaun nian, hatudu katak iha indisus barak ba mal governasaun, mal administrasaun.ida nee sei preoridade, tanba iha kampana eleitoral nee ami iha komprimisu katak sei hamos korupsaun iha ita nia rain, tanba  sei mosu nafatin hanesan nee bei-beik, entaun ita sei haburas liu tan korupsaun iha Timor-Leste,  i nia rezultadu mak  sei lori nafatin mukit no kiak ba povu,” katak Branco ba STL liu husi via telefone segunda (10/07/2017).


Nia hatete, haree kona ba kestaun korupsaun nian nee sei sai haneasn preoridade ba Fretilin, atu hodi hamos pratika korupsaun, KKN, neebe mak barak no buras iha Timor durante tinan 10 nia laran.

Iha parte seluk, Deputadu husi husi Bankada PD Adriano Joao hatete Hanesan reprezentante povu lamenta tebes iha setor justisa tanba ema balu, komete tiha krime ou bauzu poder halai tiha ba rai liur lafila, ida nee lamentable tebes tanba nee hatudu  katak justisa nee ba ema kiik deit, maibe ba ema boot laiha.

Entretantu Prezidente Partidu Frenti Mudansa Jose luis Guteres Lugu hatete, haree ba korupsaun neebe mak sei mosu iha rai laran, ida nee preoridade husi sira nia kampana mos hakarak atu halakon korupsaun iha rai laran. Guilhermina Franco/Jacinta Sequeira

Suara Timor Lorosae

Sem comentários: