domingo, 13 de agosto de 2017

Fretilin Konvida PLP-Khunto Forma Governu, Taur: PLP Disponivel Kolia Ho Fretilin


DILI - Hafoin enkontru durante loron 09 too 12 de Agostu, partidu Fretilin konvida Partidu PLP ho Khunto hahu konversasaun subtansial hodi forma VII Governu.

Hafoin remata inkontru ho partidu sira iha primeira ronde, Sekertariu Jeral Partidu Fretilin Mari Alkatiri deklara, Fretilin rasik hola ona inisiativa hodi halo konversasaun ho partidu politiku hotu hotu neebe hetan reprezentasaun iha Parlamentu Nasional ba lejislatura 2017 to 2022.

Ho nunee Fretilin hakotu lia konvida PLP ho Khunto, atu ho Fretilin hahu konversasaun substansial atu hari plataforma entendimentu neebe metin, no seguru Governasaun nian.

"Fretilin konvida partidu rua nee para atu diskute dalan ida neebe ita tuir para atu bele servisu hamutuk, se koligasaun entendimentu iha Parlamentu ka inkluzaun nee ita maka tenke define, Fretilin labele define tiha ona maka ba bolu ema seluk mai tama deit, maibe tenki hamutuk maka atu bele define,” Dehan Sekjer Partidu Fretilin Mari, liu husi konferensia imprensa ho jornalista sira, iha salaun Hotel Novu Turismu Dili, Sabdu (12/08/2917).


Partidu PLP ho Khunto tuir Sekjer Partidu Fretilin katak, primeira ves maka sira halo sira nia estreina ba politika, partidu rua nee hanesan lingua Indonesia dehan hitam diatas putih belum ada.

Entretantu responde konaba karik iha formasaun Governu PLP husu posizaun ruma iha formasaun Governu nee, Sekjer Fretilin Mari hateten, Nia fiar PLP atu husu fali posizaun oin-oin, tanba inisiativa PLP liu husi Prezidente rasik dehan sira hein deit husi Fretilin.

Iha parte ketak bainhira jornalista sira konfirma notisias konaba Fretilin konvida PLP hahu konversasaun subtansial ba formasaun Governu Prezidente PLP Taur Matan Ruak hateten, Nia parte foin maka rona informasaun husi partidu Fretilin, neebe atu konvida PLP hodi hahu halo konversasaun substansial hodi forma Governu.

 “Hau seidauk foin maka rona no seidauk simu surat ida konaba ida nee, se ida nee tebes hau agrdese hanesan partidu foun id abele hetan konfiansa husi Fretilin hodi kolia ho ami,” dehan Prezidente PLP Taur, ba jornalista sira iha, Sede PLP, Metiaut, Dili, Sabdu (12/08/2017).

Eis Prezidente da RDTL nee haktuir tan katak, PLP disponivel fahe nia votu oituan oituan ba partidu sira hotu, ida mesak labele tenke buka malu, Fretilin fiar PLP, PLP disponivel atu kolia ho Fretilin hodi reprezenta PLP nia eleitoradu neebe maka foin dadauk vota ba PLP. 

Carme Ximenes/EST2 | Suara Timor Lorosae

Sem comentários: