quarta-feira, 2 de agosto de 2017

Governu Tenke Klarifika Dividas TT Laos Murni

PARTILHAR
DILI – Membru Parlamentu Nasional husu ba Governu atu klarifika dividas Timor Telecom (TT) bainhira atu selu, tanba dividas TT nian nee laos murni.

Kestaun nee fo sai husi Reprezentante povu iha uma fukun Parlamentu Nasional (PN), Deputada Fernanda Lay ba STL Segunda (031/08/2017) iha nia knaar fatin PN.

Hau hanoin dividas Timor Telekom nian nee laos dividas murni tan nee governu tenke klarifika didiak, tanba akontese tiha ona, sira halo konta sala ita selu tiha no ikus mai sira konvensa fila fali dehan la selu,” informa nia.

Tuir Lay katak, governu tenke halo verifikasaun, ema neebe uza telefone nee ba duni servisu estadu ou ba privadu, tanba iha membru governu balun neebe sai tiha ona, maibe kontinua uza sasan estadu.

Iha fatin hanesan Deputadu Manuel Castro hatutan, problema dividas TT, governu nee la selu maka governu foun bele selu, importante maka TT tenke teliti didiak kustu nee.

Nunee mos Prezidente komisaun neebe trata asutu ekonomia finansa no dezenvolvimentu, Jacinta Abucau Pereira hateten, dividas TT nee too agora governu seidauk selu, tan nee fiar katak governu foun neebe mai sei hare konaba problema sira nee. Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: