quarta-feira, 2 de agosto de 2017

Babo: Parpol Sira Sei Buka Malu Halo Koligasaun

PARTILHAR
DILI – Prezidente Consellu Dirativa Nasional Partidu CNRT Deonisio Babo hateten, desijaun final sai ona, partidu politika sira hotu tenki buka malu hodi halo koligasaun.

Agora ita hein hela Tribunal hasai desizaun final, desijaun final klaru ke, partidu politika sira hotu hotu sei buka malu, klaru ke proposta lubuk ida iha leten primeiru koligasaun,” dehan Deonisio ba Jornalista sira iha PN, Dili, Tersa (01/08/2017).

Nia dehan, se maka lakoi koligasaun ba oposizaun, agora koligasaun nee maka sei iha negosiasaun entre partidu politiku sira, para bele define linas jerais hira maka atu lao, iha Governu foun mai nee atu lao halo nusa.


Prezidente CDD Partidu CNRT nee haktuir tan katak, Partidu sira iha dever garante estabilidade governativa too tinan lima mai, tanba Governu ida labele monu deit iha dalan klaran.

Portantu partidu FRETILIN sei diskute entre sira, CNRT sei diskute hamutuk partidu sira seluk mos hanesan, depois Prezidente Republika sei bolu depois sei diskute sei hare ida neebe maka forma diak liu.

Iha fatin hanesan membru Parlamentu Nasional husi bankada CNRT Carmelita Moniz hateten, nia laos estrutura maximu iha partidu, neebe partidu tuir nia estutu maka nee posizaun politika partidu nian tenki deside hamutuk liu husi konferensia nasional partidu. Carme Ximenes/EST2

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: