terça-feira, 1 de agosto de 2017

Governantes Foun Labele Imita Emilia

PARTILHAR
DILI – Sosiedade Sivil no akademista husu ba iha VII governu, iha dupla sidadania neebe mak hetan ona konfiansa husi povu hodi kaer pasta iha membru governu ka parlamentu iha parpol 5 nee atu labele imita Emilia ,kuandu halo tiha korupasaun hodi halai fila fali ba iha fatin seluk.

Tuir dekanu Filosofia Direitu UNDIL, Justino Sapolo katak kona ba kaju Emilia Pires sai polemika iha estadu kuandu arguida Emilia Pires rasik halai ba iha Portugal. Tuir desijaun Tribunal Distrital Dili (TDD), iha primeira instansia hetan kondenasaun ba ameasa atu tama prizaun tinan 7 too arguida rasik halai ba iha Portugal.

Ministeriu Publiku, Tribunal tenke hare no ajuda didiak kaju nee tamba bele sai ezemplu no presendente ba kaju sira seluk no governantes foun iha VII governu atu imita tuir Emilia,” dehan Justino,”dehan Justino Sapolo ba STL, iha nia edifisiu UNDIL, Mascarinhas, Tersa (01/08/2017).

Nia hatutan, foin dadauk Tribunal Rekursu hasai ona desijaun ba iha arguidu Joao Cancio ho pena prizaun tinan 4 fulan 6 maibe kuandu desijaun TR mak tun Emilia pires hetan pena prizaun iha Timor Leste laos iha fila fali iha Portugal tamba bazeia ba iha prinsipiu fundamental lei nian mak Locus no Tempus.

Iha fatin ketak, tuir Diretor Ezekutivu JSMP, Luis Oliveira Sampaiokatak kaju arguida Emilia Pires sai difisil tamba arguida rasik la iha fatin, maibe nia prosesu sira sei hare nia rekursu nee lao terlepas atu arguida iha nee ka mai hatan ka la hatan Tribunal Rekursu sei avaliasaun ba rekursu neebe mak husi advogadu no Ministeriu Publiku. Domingos Piedade/Natalino Belo

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: