DILI,
(TATOLI) - Primeiru Ministru, Dr. Rui Maria de Araújo hateten reuniaun ámbitu
Komisaun Konsiliasaun sei hahú iha semana oin iha Singapura.
Iha
reuniaun ne’e, delegasaun rua hosi TL no Austrália ho Komisaun Konsiliasaun atu
haree kona-ba pozisaun ne’ebé ida-idak defende, nune’e buka solusaun ida ne’ebé
justu ho solusaun ne’ebé baze ba direitu Internasionál ba fronteira tasi.
Rui
informa Ministru Konselleiru no Ministru Planeamentu Investimentu Estratéjiku,
Kay-Rala Xanana Gusmão nu’udar xefe negosiasaun ninian oras ne’e halo hela
traballu Preparatóriu tékniku ho ekipa téknika.
“Tomada
pose Kuarta Lejizlatura no Governu foun la disturba prosesu negosiasaun
fronteira Marítima tanba negosiasaun ne’e hala’o iha 28 Agustu-01 Setembru
2017, entretantu tomada pose hala’o iha 5 Setembru,” Primeiru Ministru ko’alia
asuntu ne’e ba jornalista sira iha Palásiu Prezidente Nicolau Lobato,
Bairru-Pité, Dili, kinta ne’e.
Antes
ne’e, Prezidente Repúblika, Dr. Francisco Guterres Lú Olo hato’o mensajen
katak nasaun no Estadu tomak fó apoiu ba Xanana Gusmão atu lori prosesu ne’e
to’o rohan.
Jornalista:
Xisto Freitas | Editór: Manuel Pinto
Foto:
Dadalia entre jornalista sira ho PM Rui iha Palásiu Prezidente Nicolau Lobato
Sem comentários:
Enviar um comentário