DILI,
(TATOLI) – Karreta Prado 65 ne’ebé antes ne’e deside alienasaun ba deputadu/a
bainhira mandatu ramata iha lejizlatura da-tolu ikus mai konsellu
Administrasaun Parlamentar suspende ho aseitasaun hosi bankada 4 iha uma fukun.
Prezidente
Parlamentu Nasionál, Aderito Hugo da Costa dehan, Konsellu Administrasaun
Parlamentár liuhosi bankada haat deside hodi suspende alienasaun karreta
Parlamentu Nasionál ne’ebé deputadu 65 uza iha lejizlatura datoluk.
“Konsellu
Administrasaun Parlamentár hasai desizaun iha Parlamentu Nasionál, 18 de Agostu
2017, Prezidente Parlamentu Nasionál konsidera karreta prado hamutuk 65 ba
deputadu sira iha III lejizlatura sai patrimóniu parlamentár,” Prezidente PN,
Aderito Hugo da Costa ba jornalista sira liuhosi konferénsia imprensa iha sala
Konferénsia PN, Sesta (25/8).
Bankada
haat iha Lejizlatura datoluk mak hanesan; CNRT, Fretilín, PD no Frente Mudansa.
Aderito dehan, durante mandatu deputadu sira kontribui osan ba manutensaun
karreta tanba osan manutensaun parlamentár nian ne’ebé ho folin dolar amerikanu
1500,00 lato’o.
Maski
nune’e, Prezidente PN fó sai katak sei la reembolsa osan sira ne’ebé deputadu/a
sira gasta ona. Maibé bainhira deputadu/a sira ne’e husik kargu karreta 65 ne’e
sei entrega ba patrimóniu parlamentár hodi halo jestaun.
“Jestaun
patrimóniu parlamentár iha direitu atu halo jestaun hanesan jestaun ba kompra,
jestaun ba leilaun, jestaun ba alienasaun,” Prezidente PN Aderito esplika.
Iha
sorin seluk, Sekretáriu Ezekutivu PN, Mateus Ximenes Belo hateten tratamentu
karreta deputadu nian no karreta instituisaun sira seluk lahanesan.
Nia
rekoñese katak durante ne’e deputadu/a sira mós fó nia kontribuisaun ba
manutensaun karreta ne’e bainhira hasoru dezastre ruma ou falla.
Tanba
ne’e nia husu atu la bele konsidera katak karreta 65 halo leilaun ba deputadu
sira, maibé alienasaun, kuandu koalia leilaun signifika iha prosedimentu no
halo kompetisaun.
Desizaun
suspende karreta hirak ne’e bazia ba dekretu lei nú 32/2011 de 2017 de Jullu
kona-ba Gestão e alineação dos bens moveis do Estado no mós Lei nú
12/2017, kona-ba lei organizasaun no funsionamentu Administrasaun Parlamentár
liuhosi Konsellu Administrasaun PN kompostu hosi reprezentante deputadu bankada
CNRT, Fretilín, PD no Frente Mudansa.
Jornalista:
Zezito Silva - Editór: Manuel Pinto
Foto:
Egas Cristovao
Sem comentários:
Enviar um comentário