sexta-feira, 25 de agosto de 2017

La Iha Empregu, Krime Aumenta

DILI - Prijaun Becora no Gleno, agora komesa nakonu ho prijoneru sira. Nunee impaktu mos mai husi ema neebe la iha empregu, hodi halo krime kontinua aumenta.

Deklarasaun nee, fo sai husi Jurista Manuel Tilman ba Jornalista sira iha nia knar fatin Pantai Kelapa Segunda, (21/08/2018).

Joven sira la iha empregu, joven sira la iha kualifikasaun krime aumenta, no rajaun ida mak empregu la iha, investimentu la iha nee. Ita agora ho nasaun ida idak lao hela ba kotuk, sei marka pasu governu la hamrik iha tempu, parlamentu rasik neebe ba tuir deit hodi atu aprova lei mos la ba tur ho tempu. Pais lao neneik atrajadu, ida nee mak ambiente lao la diak, no krime aumenta,” hateten Manuel.

Nunee atu hetan solusaun hari kadeia, tanba kadeia kloot aumenta osan ruma atu bele hadia kadeia. Maibe ambiente direitu humanus iha kadeia timor nian, diak liu ema nian. Han la selu hemu la selu toba la selu no hatais mos estadu mak fo.

Tuir lolos nee, kadeia ba deit ba ema neebe krime definitiva tiha ona, loas ida preventiva mak tama ba nakonu iha neeba hodi halo kadeia nakonu. No iha solusaun rua, hadia kadeia no halo kadeia foun.

Iha fatin seluk, akademika UNTL Martinho Magno hateten, parte akademika nia hare krime komesa aumenta, tanba joven barak seidauk hatene goja sira nia moris. Balu mos envolve iha krime, tanba ransu livre. 

Terezinha De Deus | Suara Timor Lorosae

Sem comentários: