terça-feira, 19 de setembro de 2017

Hasoru Alkatiri, Naimori Prontu Servisu Hamutuk

DILI – Konseleiru Partidu Khunto Jose Naimori hasoru malu ho Primeiru Ministru Mari Alkatiri, hodi koalia konaba kolaborasaun servisu hamutuk entre partidu rua nee iha futuru.

Enkontru neebe halao iha palasiu Nobre Lahane, Tersa (19/9/2017), Konseleiru Partidu Khunto Jose Naimori akompania husi membru partidu Khunto nain ida ho eskoltu nai rua, too iha Palasiu Nobre Lahane tuku 12:12 OTL, ho kareta prado marka 23.378

Hafoin remata hasoru malu ho Primeiru Ministru Mari Alkatiri, Naimori hateten, sira prontu kolabora servisu hamutuk ho se deit, atu nunee nasaun bele lao ba oin ho diak.

"Ita hotu hotu tenke kria estabilidade no ita hotu hotu prontu atu servisu hamutuk iha Timor laran, para nunee nasaun nee bele lao ba oin,” dehan Naimori, bainhira remata hasoru malu ho PM Mari Alkatiri, iha Palasiu Nobre, Lahane, Dili, Tersa (19/09/2017).


Nia dehan, Iha sorumutu nee sira koalia liu atu kria estabilidade ba nasaun ida nee, tanba kestaun atu hamutuk nee laos desizaun ema ida rua nian deit. Tanba nee iha nasaun ida ema sempre respeita Xefi Governu signifika katak, Xefi Governu nee ba partidu hotu hotu laos ba deit koligasaun laos ba oposizaun.

Sorumutu neebe halao durante meia ora, entre lideransa nain rua nee taka ba publiku. tuir informasaun neebe maka iha katak, iha Sede CCF prepara hela fatin no dokumentu hodi hein partidu Khunto ho Fretilin atu asina, nunee Khunto bele involve iha VII Governu Konstitusional.

Carme Ximenes/Maria Lay | Suara Timor Lorosae

Sem comentários: