terça-feira, 19 de setembro de 2017

Diferensa Ideias, PN Suspende Votasaun Projetu Delibresaun Liberasaun No 5/Iv

DILI - Durante loron 2 Parlamentu Nasional (PN) lakonsegue halao votasaun ba projetu de liberasaun no 5/IV (1) ba komisaun revizaun do rejimentu Parlamentu Nasional, tanba diferensa ideias entre partidu opozisaun ho koligasaun.

Iha plenaria diskusaun ba votasaun projetu deliberasaun no 5/IV halao durante loron 2 hanesan plenaria segunda halao diskusaun lubuk ida, lakonsege vota adia Tersa nee, maibe iha plenaria nafatin halo diskusaun, iha diskusaun mai ho diferensa ideias husi opozisaun husu atu suspende fali, no koligasaun hakarak halao votasaun.

Tanba nee iha diskusaun nee opozisaun husu retira husi lista husi projteu deliberasaun nee, ho nunee PN halo suspende ba votasaun projetu de liberasaun no 5/IV (1) ba komisaun revizaun do rejimentu Parlamentu Nasional.

Iha sesaun plenaria Parlamentu nasional, Prezidente PN Aniceto Guteres hatete, votasaun projetu deliberasaun ba komisaun rejimentu parlamentu nasional nee diskusaun halo ona, maibe adia too ohin.


"Votasaun ba projetu de liberasaun no 5/IV (1) ba komisaun revizaun do rejimentu Parlamentu Nasional nee horsehik halao tiha ona diskusaun maibe adia ba ohin, tanba nee mak hatama iha ajenda ba plenaria ohin nian, maibe diferensdia ideias neebe ita suspende votasaun, tanba politika mak nunee, husu lidera bankada atu halo reuniaun hodi haree ba ida nee,” katak prezidente PN Aniceto, Tersa (19/09/2017).

Iha intervista Xefi Bankada Fretilin Francisco Branco hatete, haree ba ideias neebe lahanesan nee mak kansela, maibe sira hanoin katak rejimentu nee atu fasilita deit prosesu servisu iha PN, no laiha motiva politika.

Entretantu Xefi bankada PLP Fidelis Mangalhaes hatete, sira retira tanba sira propoin hodi mai tau lai iha diskusaun, bainhira iha diskusaun iha alterasaun barak, no iha ekspozisaun ba interese ideias barak mak dudu atu kria komisaun eventual tanba nee mak PLP diskorda. 

Guilhermina Franco | Suara Timor Lorosae

Sem comentários: