Iha
loron-kinta ne'e, Ministru Defeza no Seguransa Timor-Leste nian fó sai katak fó
ona instrusaun sira ba autoridade sira ba reforsu preventivu ida hosi medida
sira seguransa nian iha nasaun, liuliu iha kapital, Díli, hafoin opozisaun
rejeita Programa Governu nian.
"Situasaun
kalma hela maibé ami aumenta seguransa hodi antesipa. Hanesan situasaun normal
ida", hatete hosi José Somotxo, hodi espesifika katak instrusaun ne'e fó
ona ba polísia no ba forsa armada sira.
José
Somotxo ko'alia ba Lusa iha sala sira iha parlamentu nia oin ne'ebé rezerva ba
bankada Congresso Nacional para a Reconstrução de Timor-Leste (CNRT), partidu
boot opozisaun nian, ne'ebé deputadu sira hosi opozisaun sei hasoru malu hafoin
aprova tiha proposta ida rejeisaun nian ba programa governu nian.
Votu
ne'ebé taka ona loron haat debate nian iha Parlamentu Nasional marka ho
tensaun, ho pelumenus deputadu na'in ida hosi Partidu Demokrátiku (PD) ho
membru oioin hosi públiku hakilar "traidor sira" hasoru deputadu sira
hosi opozisaun.
Deputadu
sira hosi bankada tolu opozisaun nian sai hetan eskolta oituan hosi efetivu
sira seguransa nian to'o fatin ne'ebé rezerva ba nia bankada no, liutiha oras
ida hafoin debate, polísia lori sira ba sira ida-idak nia karreta, hodi husik
parlamentu.
Ministru
Somotxo, ne'ebé mantén iha parlamentu to'o deputadu sira sai, repete fali apelu
sira ne'ebé husik hosi líder sira hosi bankada opozisaun nian no hosi
primeiru-ministru, Mari Alkatiri, atu populasaun kontinua hakmatek.
Kompleksu
hosi parlamentu agora daudaun taka ba públiku.
To'o
agora laiha rejistu ba kazu ruma violénsia fíziku nian.
Bankada
tolu opozisaun nian, maioria iha Parlamentu Nasional, aprova ona iha
loron-kinta ne'e proposta rejeisaun ida hasoru programa Governu nian, kontra
votu sira hosi forsa polítika rua ne'ebé apoia ezekutivu.
Bainhira
iha proposta daruak rejeisaun nian no karik hetan aprovasaun entaun Governu sei
monu.
SAPO
TL ho Lusa
Sem comentários:
Enviar um comentário