Komandante Militar Lahalo Politika Ministru Defesa

DILI - Xefe Estadu Maijor Jeneral Lere Anan Timor nuudar komandante militar Forsa Armada Falintil Forsa Defeza Timor Leste (F-FDTL) mak atu prepara rekursu umanus forsa nian maibe atu halo politika maka Ministru Defeza no Seguransa.

Lia fuan hirak nee hatoo husi Observador Politika Universidade Nasional Timor Lorosae (UNTL) Camilo Ximenes ba STL iha Eis-Sede CNRT Balide Dili Sesta, (29/9/2017).

“Hau Hanoin katak hanoin husi komandante militar nia lahalo politika mezmu iha planu diak. Mezmu planu neebe diak sei lori ba Konselus Ministrus pasa ka lae. Tanba nee nuudar forsa armada atu asegura estabilidade. Maibe iha hanoin atu halo politika ba forsa armada maka Ministru Defeza no seguransa nia parte,”nia afirma.

Tuir nia katak mezmu militar bele iha hanoin no planu maibe liu husi proposta sira nee pasa hotu iha Konselus Ministrus ka lae.Tanba nee atu defende planu no hanoin sira nee iha KonselusMinistrus maka MinistruDefeza no Seguransa Jose Agostinho Sequira Somotxo. Ministru maka bele defende ema ida rua nia hakarak atu bele anunsiu ba publiku kona ba hakarak sira nee maibe submete hotu ba kestaun politika Ministeiru nian.

Deklarasaun Xefe Estadu Maior Jeneral F-FDTL Lere Anan Timor bele iha hanoin diak atu prepara joven sira atu kaer kuda talin ba futuru F-FDTL nian. Maibe, tuir lolos nia responsabiliadde maka tenki garante estabilidade nuudar militar maibe labele halo politika. Maibe atu hare ema neebe hanoin atu destroi nasaun ida nee tenki hasoru forsa militar.

Nia hatutan tan katak, Polisia Nasional Timor Leste (PNTL) no F-FDTL nia responsabilidade maka atu asegura seguransa no estabilidade neebe maka diak no halo politika atu halo atendementu. Ba komunidade sira iha nasaun ida nee atu bele moris hakmatek.

Iha fatin ketak Diretor Ezekutivu Fundasaun Mahein (FM) Nelson Belo, tuir deklarasaun xefe estadu Maijor Jeneral Lere Anan Timor nian atu prepara joven sira ba futuru F-FDTL nee laos koalia deit maibe tuir teknikamente lao dadaun ona. Agora koalia konaba preparasaun hare husi parte rua maka hanesan parte tekniku professional no tekniku operasional militar.

Enkuantu konaba tekniku operasional nian oras nee dadaun haruka ona membrus ofisiais F-FDTL ba eskola iha Portugal, Australia nunee mos estudu komparativu iha nasaun azia sira. Nunee moos tekniku operasional nee halao moos iha nivel alto no nivel ezersisiu seluk. Agora parte treinamentu intelijentes nian halo ona relasaun diak ho nasaun Australia, Nasoens Unidadas da Amerika, no nasaun CPLP nee lao nafatin hela. Agora preparasaun seluk ba ofisiais militar sira oras nee dadaun halao hela sira nia estudu iha universidade iha Timor. Agora hakarak ka lakohi knar husi jerasaun tuan ba jerasaun foun tenki halo.

Nia hatutan Laos nee deit por ezemplu Falintil mos hanesan iha senior no junior realidade seluk neebe iha maka maun boot Xanana Gusmao kuandu fila husi estranjeirus mai iha Timor assume kargu hanesan prezidente ba Conselu Nasional da Resistensia Timorense (CNRT) iha tinan 1999nuudar moos komandante supremuiha Munisipiu Aileu neeba rejigna an.Ida nee hatudu katak promosaun neebe lao jerasaun seluk prosesu sira nee lao hela. Prosesu preparasaun neebe maka iha lei seguransa nasional, lei Defeza nasional, no lei organiku militar. Tanba nee maka Lere Anan Timor laoskoalia deit maibe preparasaun sira nee lao dadaun hela iha forsa armada.

"Tuir ami nia hare katak Prosesu preparasaun lao iha forsas armada mais tuir preparasaun neebe maka iha lei seguiransa nasional, lei defeja nasional no lei organiku militar. Tantu Lere laos koalia deit maibe hahu ona no preparasaun lao,”nia dehan.

Nunee mos Adjuntu Diretor Ezekutivu Komite 12 de Novembru Rogerio Castro da Crus dehan bazeia ba deklarasaun Xefe Estadu Forsa Armada Maior Jeneral Lere Anan Timor nee haree ba situasaun balun neebe iha, ida nee nia iha direitu no dever atu koalia no hanoin ruma atu halo mudansa ba militar.

“Nuudar komandante supremu nia koalia ho situasaun balun ke hanesan komandante ida nia lalaok nia iha direitu no dever atu halo mudansa. Sala tuir lei militar dejisaun maun foti iha ona tempu ida nee dalan balun neebe diak no los,”nia reforsa tan. 

Justinho Manuel | Suara Timor Lorosae