DILI
- VII Governu neebe Xefi husi Primeiru Ministru Mari Alkatiri, seidauk hatene
lolos kontiudu karta neebe Prezidente partidu CNRT atual Xefi Negosiador
Fronteira Maritima Xanana Gusmao, ba Prezidente Republika Francisco Guterres Lú
Olo nomos Xefi Governu.
Ministru
Prezidente Konsellu Ministru Adriano do Nascimento hateten, konaba karta nee
husu ba Xefi Governu Mari Alkatiri maka hatene konteudu karta nee rasik.
Portantu hanesan Ministru PCM nia rasik laiha kapasidade sobre karta refere,
tanba nee konaba karta nee Primeiru Ministru rasik maka hatene karta nee.
“Hau
lahatene karta sira nee, maibe ita boot sira husu ba Primeiru Ministru,” dehan
Ministru PCM Adriano ba jornalista sira, hafoin remata enkontru ho lider
bankada sira iha PN, Dili, Sesta (17/11/2017).
Maske
nunee Ministru PCM Adriano hateten, Nudar Ministru Prezidensial no Konsellu
Ministru laiha koinesimentu ba karta neebe maka Xefi Negosiador Xanana Gusmao
haruka ba Prezidente da RDTL.
Portantu
tuir informasaun neebe maka iha katak, Karta nee haruka husi Prezidente Partidu
CNRT atual Xefi Negosiador ba Fronteira Maritima Xanana Gusmao, diriji ba
Prezidente da RDTL Francisco Guterres Lú Olo no Primeiru Ministru Mari Alkatiri.
Tuir
informasaun neebe maka iha katak, iha Kinta loraik Adjuntu Sekertariu Jeral
Partidu CNRT, maka lori karta nee ba intrega iha Prezidente da RDTL Francisco
Guterres Lú Olo.
Carme
Ximenes/Maria Lay | Suara Timor Lorosae
Sem comentários:
Enviar um comentário