DILI - Governu preokupa tanba
joven sira lakohi buka atu aprende konaba servisu pilotu nian, tanba joven
neebe maka remata ona sira estudu iha area pilotu nian nee uituan tebes.
Kestaun nee fo sai husi Vice
Ministru do dezenvolvimentu transporte komunikasaun, Inacio Morreira ba STL,
Kinta (28/12/2017) iha nia knaar fatin Kai koli Dili.
“Hau hanoin joven sira tenke buka
oportunidade atu estuda didiak oinsa bele lori sai pilotu neebe diak hodi lori
Aviaun, maske Timor nia aviaun seidauk iha maibe ita tenke prepara uluk lai
rekursu umanus, atu nunee aban bain rua aviaun iha karik ita la presiza bolu
tan pilotu sira husi nasaun seluk tanba, ita nia rekursu umanu preparadu
ona,”informa Vice Ministru Inacio.
Nia dehan, atu prepara rekursu
maka governu liu husi Ministeriu Transporte planeadu ona iha tempu badak sei
loke centru formasaun ida iha Suai, atu nunee joven sira neebe iha inisiativa
bele ba aprende ou ba tuir formasaun konaba pilotu nian.
Iha parte seluk Estudante UNTL
Joao Moniz hateten, iha TL eskola konaba atu sai pilotu nee seidauk iha tanba
nee, husu ba governu atu loke centru formasaun ida, hodi haree liu ba ema neebe
hakarak sai pilotu.
Madalena Horta | Suara Timor
Lorosae
Sem comentários:
Enviar um comentário