DILI - Mezmu hanoin no opiniaun
furak neebe mai husi sosiedade sivil, akademika no parte igreja sei laiha
inlfuensia politika ba partidu politiku sira oras nee. Tanba dezisaun politika
define iha parlamentu neeba nudar reprezenta povu.
Lia fuan hirak nee hatoo husi
Observador Politika husi Universidade Nasional Timor Lorosae (UNTL) Camilo
ximenes ba STL iha nia knar fatin Kaikoli Dili Sesta, (29/12/2017). Nia dehan
tan katak tanba saida maka parte academia kualia hanesan nee ida nee signifika
katak opiniaun sira nee remata ona iha loron 22 de Juilhu 2017.
“Tuir ami nia haree katak tantu
academia, igreja no sosiedade sivil sira iha hanoin neebe furak maibe laiha
influensia politika ruma atu halo mudansa politika. Tanba politika mosu iha
parlamentu nasional neeba,”nia kualia tan.
Parte seluk hatudu ona katak lider
husi partidu politiku sira laiha ona konsensus maka signifika ona governu nee
monu tanba politika mosu ona iha parlamentu nasional. Nudar ema sidadaun iha
responsabilidade atu fo votus ba parpol no parpol maka reprezentante povu nia
iha parlamentu.
Membru Frente Dezenvolvimentu
Demokratiku (FDD) Abano Rakambian nia hanoin katak tuir lolos parte igreja laos
ona tenpu atu halo politika atu sumpete ona ba partidu politiku. Husik ona
politika maka kualia politika. Maibe tuir lolos igreja nia prekupasaun iha
tenpu agora nee ba haree ba juventude neebe dezmoralijadu.
Justinho Manuel | Suara Timor
Lorosae
Sem comentários:
Enviar um comentário