domingo, 18 de fevereiro de 2018

AMANTE preokupa Boavista Timor F.C. tama 1º divizaun LFA


Assosiasaun Hadomi Futebol (AMANTE) preokupa ho ezistensia klubu foun Boavista Timor F.C. ne´ebé sei kompete iha primeira (1º) divizaun Liga Futebol Amadora (LFA) époka datoluk tinan 2018.

Porta voz AMANTE, José Luis Oliveira hateten, presiza iha klarifikasaun husi entidade kompetente atu labele hamosu konfuzaun ba komunidade hadomi futebol no klubu sira.

“Favor ida, husi autoridade kompetenti tenke hatudu transparensia ba prosesu alterasaun naran husi futebol clube F.C. Carsae ba Boavista Timor F.C. mai ami la justu wainhira ita hatene hela katak iha ema ne ebé mak uluk sira núdar nain ba klubu futebol  ida, ne ebé laliu prosesu apuramentu, derepente tanba nia iha osan e nia mai kompete iha primeru divizaun. Nee sira ninia direitu, maibe tenke lao tuir prosesu e regras ne ebé regula, e ida nee mak ami nia hakarak”, preokupa porta voz Associação Hadomi AMANTE  Futebol.

Nunee mos, Prezidente FC. Lero, Carlito Nunes, lamenta ho sistema ne ebé komisaun organizadora LFA halo hodi involve Boavista F.C. iha klubu sira ne ebé sei partisipa iha primeira divizaun LFA.

Dirijentes FC. Lero, husu komisaun kompetisaun LFA atu bele esplika ba publiku kona-bá prosesu muda klubu husi F.C. Carsae ba Boavista Timor F.C. antes halao époka foun.

Liu husi prosesu ida que naruk atu mai iha jogu segundu divizaun tenke liu husi apuramentu, normalmente atu ba primeira divizaun tenke liu husi kompetisaun iha segundu divizaun, e iha ne ebá hetan primeiru e segundu lugar mak sei bele kompete iha primeira divizaun, maibe iha klubu futebol ida naran foun, durante ne e tuir apuramentu ka lae? ami hatene katak, iha klubu ualu (8) mak sei kompete iha primeiru divizaun, inklui F.C. Carsae, laos Boavista Timor F.C. tanba nee orgaun kompetente sira mak tenke haree didiak”, lamenta Carlito Nunes.

GMN TV | Grupo Média Nacional

Sem comentários: