Eis membru Governu iha V no VI
nadodon ba Komisaun Anti Korupsaun (CAC) hodi presta sira nia deklarasaun
relasiona ho iregularidade balun ne’ebe akontese durante sra nia mandatu.
Iha loron Kinta (09/02) horseik
eis Sekretario Estado Terras Proprioridade iha V ho VI Governu, Jaime Xavier
Lopes ba presta deklarasaun iha CAC kona ba iregularidade balun ne’ebe
akontese durante nia mandatu.
Jaime to’o iha edifisiu CAC tuku
sia liu minutu rua dader ho kareta marka prado ho numeru matrikula A.11500 TL,
hafoin to’o Jaime submete kedas ba prosesu investigasaun.
Iha investigasaun ne’e lao
durante oras rua resin, hafoin sai mai Jaime la direta mai liur, maibe nia sei
tur dada is iha fatin resepsionista CAC nian durante minitu sanulu mak foin sai
mai.
Maibe bainhira sai mai jornalista
sira ne’ebe hein kleur ona iha liur tenta konfirma kona ba nia prejensa iha CAC
ne’e, maibe Jaime lakohi fo nia komentariu ba media ho lao sai dadaun ba nia
kareta.
Tuir dadus ne’ebe GMN rekolla
husi livru visita CAC nian hatudu, eis Ministru Justisa Ivo Valente mos presta
nia deklarasaun iha CAC inklui diretor nasional Sekretariu Estadu Terras
Proprioridades, Romao Guterres ne’ebe ba CAC dala rua hanesan testamuña no
kumpri chamada husi CAC.
Alende ne’e iha livru ne’e mos
registu eis vise Ministra Finansas Santina Viegas Cardoso mos presta ona nia
deklarasaun iha CAC iha loron 28 fulan Janeiru, tuku 08:52 dader, inklui mos
Samuel Marçal diretor ADN mos marka ona prejensa iha CAC iha loron 26 fulan Janeiru
tuku 14:00 meudia. Nia
GMN TV | Grupo Média Nacional
Reportajen Jornal Nacional
Sem comentários:
Enviar um comentário